سردارمحمد داوودخان شفاخانهسیده اویوشتیریلگن هجومنی تیکشیرووچی هیات نینگ اعضالری، واقعهده قولی بارلیککه گمان قیلینیب هنوزگچه 24 کیشی حبسگه آلینگن دیدیلر.
کابلده خبری انجمن اوتکزگن هیات نینگ اعضالری، دستلبکی تیکشروو نتیجهسیده قولگه کیلگن معلوماتلرنی ییتکرمهلر بیلن شریک قیلدی. کمیسیون سردارمحمد داوودخان شفاخانهسیده اویوشتیریلگن حادثهگه علاقهدار بعضی بیر معلوماتلرنی قولگه کیریتگن. لیکن، هیات اعضالری بو حقده کوپراق معلومات بیریشدن باش تارتگن. هلیگچه تیکشیروو بوتونلی تکمیل بولمهگن دیگن هیاتلر.
ملی مدافعه وزیرلیگی نینگ استراتیژیک و علاقهلر بولیمی نینگ اورین باسری همده هیات باشلیغی هلالالدین هلال، اوشبو کسلخانهگه هجوم قیلیش مملکت ملی مننفعتیگه حمله قیلیش دیگن. او، اوشبو 24 تورت کیشی جنراللر همده ایشلریگه بی پروالیک قیلگن منصبدارلردن عبارت ایکن لیگینی تیلگه آلدی.
جناب هلال، قولگه آلینگن شخصلر شفاخانه نینگ معلوماتی همده امنیتینی سقلش بولیمی نینگ خادملری دیگن. اولرنینگ بو حادثهده قوللری بارلیگی گمان قیلینگن دیگن جناب هلال.
هیأتلرنی رهبرلیگ قیله دیگن جناب هلال، هجوم مملکتدن تشقریده پلانلشتیریلگن وموتر ایسه ساخته لشتیریلگن پلیت بیلن شفاخانه گه آلیب باریلگن دیگن.
شفاخانه نینگ تیورهگیده اورنه تیلگن خوفسیزلیک کمرهلرنینگ یازیب آلگن تصویرلرده ترورچی گروهلر قورال اسلحه، قول بابمی و قاچقو بیلن داکترلرنی قتل ایتگنلیگی کوزه تیله دیگن هیأت رهبری.
سردارمحمد داوودخان شفاخانهسی توغریسیدهگی واقعهنی تیکشیرووچی هیأت، حادثهگه تیگیشلی معلوماتلر شفاف طرزده اهالی بیلن شریک قیلینیشی بارهسیده ایشانچ بیرگن.
افغانستاندهگی ییریک حربی شفاخانه سنلمیش سردار محمد داوودخان کسلخانهسی مملکت ده ترورچی گروهلر تامانیدن عملگه آشیریلگن اینگ قانلی واقعه حسابلنهدی.
هجوم مسوولیتینی داعش تودهسی ذمهسیگه آلگن. لیکن، هنوزگچه هم واقعه قندهی قیلیب صادر ایتیلگنی یاروتیلمهگن و هجومچیلر ایسه کیم نینگ همکارلیگی بیلن شفاخانهگه کیریب آلگنی هم انیق ایمس.
