بوگون «چهارشنبه» کابلده «عیاللر، تینچلیک و خوفسیزلیک» نامیده یولگه قوییلگن ییغینده تینچلیک عالی کینگشینینگ دبیرخانه باشلیغی و منطقهوی تینچلیک ایشلری بوییچه جمهور رئیسنی خاص نمایندهسی عمر داوودزینینگ ایتیشیچه، آمریکا قوشمه ایالتلری تینچلیک تأمینلنگنیدن سونگ، افغانستاندن کوچلرینی چیقاریشی خصوصیده، قرار قیلهدی.
داوودزی گه کوره، افغانستان حکومتی آمریکا بیلن طالبان گروهی آرهسیده اوتکزیلهدیگن تینچلیک سوزلشوولریدن آگاه دیر و حاضرگهقدر تینچلیک خصوصیده، هیچقندهی کیلیشیلمهگن.
اونینگ کوپهیتیریشیچه، طالبان گروهینینگ هیأتی آمریکادن کوچلرینینگ چیقیش زمانی خصوصیدهگی جدولینی بیللی قیلیشینی سورهگن؛ بیراق آمریکا هیأتینینگ ایتیشیچه، تینچلیک تأمینلنگنیدن سونگ، افغانستان اهالیسیدن کوپ قسمی چیتایللیک کوچلری چیقیشینی ایستهگن صورتده، اولر کوچلرینی چیقاریشی توغریسیده قرار قیلیشی ممکن.
داوودزینینگ ایتیشیچه، تینچلیک جریانی خصوصیده اهالینینگ فکرینی اورگهنیش اوچون حوت آیینینگ اداغیده مصلحتی بویوکلر جرگهسی یولگه قوییلهدی و بو توغریده یشاوچیلرنینگ قراری سونگی آدیملرنی بیللی قیلهدی.
اونگه کوره، بیرینچی مرته غیردولتی بیر کمیسیون بویوکلر جرگهسینی یولگه قویهدی و بو جرگه نینگ اعضالریدن 30% عیاللر بولهدی.
شونینگدیک، اوشبو ییغینده انسان حقلری ایرکین کمیسیونی باشلیغی سیما سمر، طالبان گروهینینگ عیال جمهور رئیس بوله آلمهیدی دیگن فکرینی تنقید آستی گه آلیب ایتیشیچه، بوندهی بیر توشونچه ایرککلر و عیاللر آرهسیده برابرلیک اصولی گه قرشی دیر.
خانم سمر گه کوره، افغانستانده بولیب اوتگن 41 ییل اوروشده عیاللر کوپلب قربانلیک بیرگن.
انسان حقلری ایرکین کمیسیونینینگ باشلیغی، تینچلیک سوزلشوولریده عیاللرنینگ حضوری کوپهیتیریلیشینی ایستهب علاوه قیلیشیچه، تینچلیک جریانیده عیاللرنینگ حضوری نظرگه آلینمهسی مملکت جمعیتیدن یریمی نظرده توتیلمهسینی کورستهدی.
شو توغریده…
تینچلیک سوزلشوولریده سوز ایرکینلیگی اونوتیلمهسین
افغانستان یشاوچیلریدن یریمی تینچلیک سوزلشوولریدن راضی ایمس دیر
تینچلیک سوزلشوولریده سوز ایرکینلیگی قربان بولمهسین
انسان حقلری ایرکین کمیسیونی باشلیغینینگ ایتیشیچه، شخصی قصاص آلینیشلرنی آلدی آلینیشی اوچون اوروش قربانلرینینگ سیسلرینی ایشیتیش و ملی کیلیشوو اوچون بیر استراتیژی ایجاد ایتیلیشی ضرور دیر.
سمرگه کوره، تینچلیک سوزلشوولری دوامی یانیده، یخشی حکومتدارلیک هم کوچهیتیریلیشی کیرهک و تینچلیک سوزلشوولریده انسان حقلری ارزشلری و عیاللرنینگ حقوقی معامله قیلینمهسی لازم.
شونینگدیک، افغانستان بوییچه آمریکا قوشمه ایالتلرینی ایلچیسی جان بس، تینچلیک سوزلشوولری جریانیده افغانستان ایرکینلیگی اوستیگه تأکیدلب ایتیشیچه، افغانستان یشاوچیلری تینچلیک سوزلشوولری جریانیدن آگاه بولیشی کیرهک.
اوشبو ییغین یولگه قوییلگن بیرچاغده، آمریکا بیلن طالبان گروهی آرهسیده 25- فبروری قطرده تینچلیک سوزلشوولری قیتهدن باشلهنیشی خصوصیده قرار قیلینگن.
