تینچلیک مصلحتی قورولتایی باشلیغی عبدالرب رسول سیاف نینگ اوشبو قورولتایی اداغیده ایتیشیچه، بو قورولتایی نینگ یکونلهنیشی خصوصیده اهالی نینگ ایشانچی یوق ایدی، بیراق مذکور قورولتایی تینچلیک کیلتیریشگه تعهدلی بولگنینی اثبات قیلدی.
سیاف نینگ کوپهیتیریشیچه، طالبان گروهی شامل بیزلر بو مملکت یشاوچیسی عنوانیده قیینچیلیکلریمزنی حل قیلیب اوروشنی یکونلنتیریشیمیز کیرهک. او طالبان گروهیدن کینه و کدورتنی آرتده قوییب ایناغهلیک قطاریگه قوشیلیشینی سورهگن.
جناب سیاف گه کوره، بو مصلحتی قورولتایی ایدی و جمهور رییسنینگ اهالی بیلن مصلحت قیلیشی توغریسیده مسوولیتی بار.
اونینگ کوپهیتیریشیچه، بو قورولتاییده هیچ کیم اوز فکرینی تحمیل قیلمهگن و هرکیم اوز فکرینی بیان قیلگن.
تینچلیک مصلحتی قورولتایی باشلیغی نینگ ایتیشیچه، پراگنده سعی و حرکتلر نتیجه بیرمهیدی، بیراق تینچلیککه قول تاپیش اوچون بیرلیککه حرکت قیلیش کیرهک.
