بوگون «دوشنبه» نمایندهلر کینگشینینگ عمومی ییغینیده، شمال بحرانی بحث گه آلیندی و نهایتده دولت نینگ اوچ قوه سی و سیاسی حزبلرنینگ آرهسیده کته قورولتای یولگه قوییلیشینی ییچیم یول دیدی.
نمایندهلر کینگشی اعضالرینینگ ایتیشیچه، حکومت شمال یشاوچیلرینینگ ایستکلریگه دقت قیلیشی کیرهک. نمایندهلر کینگشی اعضالریدن بیرقطارینینگ ایشانچی گه کوره، شمالی ولایتلرنینگ یشاوچیلرینی ایستهگی تینگ سیزلیکلر و برتری جویلیککه قرشی کورهش دیر.
علیاکبر قاسمینینگ ایتیشیچه، شمالی ولایتلرده خلق تامانیدن یولگه قوییلگن ناراضیلیک نمایشلردن ایکی هفته اوتماقده و حکومت اعتراضچیلرنینگ ایستهگی دقت قیلیشی لازم.
نمایندهلر کینگشی اعضالریدن باشقه بیری عبدالستار درزابینینگ ایتیشیچه، جمهور رئیس قانوننی برچه یشاوچیلرنینگ اوستیگه بیردیک عمل گه آشیریلیشی کیرهک.
نمایندهلر کینگشی باشلیغی عبدالرؤوف ابراهیمی، شمال بحرانینی باشقه امنیتی مسئلهلرنی یانیده یشاوچیلر اوچون خواطرلی بیلیب ایتیشیچه، حکومت قانون اساسیده یشاوچیلر بیلن یاندهشی لازم. نمایندهلر کینگشی باشلیغی گه کوره، مملکت شمالیده دوام ایتیب کیلهیاتگن حاضرگی وضعیتدن چیقیش اوچون حکومت سیاسی حزبلرنینگ باشلیغلری و دولتنینگ اوچ قوهسی اشتراکیده کته قورولتای یولگه قوییشی درکار. جناب ابراهیمینینگ ایتیشیچه، شمالده دوام ایتیب کیلهیاتگن وضعیت افغانستاننینگ منفعتی گه ایمس دیر.
مملکتنینگ شمالی ولایتلریده دوام ایتیب کیلهیاتگن ناراضیلیک نمایشلر اوتگن هفته فاریاب ولایتینینگ قیصار تومنی خوفسیزلیک قومندانلیگینینگ سرپرستی و افغانستان ملی اسلامی جنبش حزبینینگ ییریک اعضاسی نظامالدین قیصاری، امنیتی کوچلر تامانیدن توتقونگه آلینیب و کابل گه انتقال بیریلگنیدن سونگ، باشلندی.
