جمهور رییس نینگ بیرینچی اورین باسری عبدالرشید دوستم، جمهور رییس بیلن اوزی اورتهسیده کیلیشگندن سونگ تیزلیکده جوزجانده اوتکزیلیشی کوتیله دیگن ییریک اعتراض بیکار قیلینیشینی ایتگن. بوندن آلدین جناب دوستم اون مینگ کیشی اشتراکیده حکومتگه قرشی اعتراض اوتکزیلیشی بارهسیده خبر بیرگن ایدی.
بوگون (سهشنبه) جوزجان ولایتیده خبری بیر اولتیریشده صحبت قیلگن جناب دوستم، اوزی بیلن جمهور رییس غنی اورتهسیدهگی سیاسی قرمه قرشیلیکلر صبغتالله مجددی همده تورکیه جمهوریتی نینگ تشقی ایشلر وزیری تیلفونی علاقهلریدن سونگ بوتونلی حل بولگن دیدی.
افغانستان جهادی وملی حزبلر عالی کینگشی نینگ باشلیغی حضرت صبغتالله مجددی بوگون پایتخت کابلده اوتکزیلگن ییغینده جمهور رییسغنی بیلن اونینگ اورین باسری جنرال دوستم اورتهسیدهگی قرمه قرشیلیک حل بولیشی اوچون تامانلر بیلن صحبت قیلگن لیگینی ایتگن. ایکّی تامان هم مهم مسالهلر اوستیده کیلیشگنلر دیدی جناب مجددی.
جناب مجددی، ملی کینگش تامانیدن جناب دوستمگه قرشی سوء قصد صادر بولیشی بیر پروفاگند بولیب بو تیزیم مخالفلری آرقهلی پلانلشتیریلگن دیگن.
غورماچ اوروشی جریانیده جنرال دوستم بیلن جمهور رییس اورتهسیده سیاسی تارتیشولر باشلگن ایدی. جمهور رییس بیرینچی اورین باسری غورماچ تومنیدن قیتگندن کیین، ییغین اوتکزیب، جمهور رییسنی سیاستنی چیکلهب آلگنلیک همده قومپرستلیککه عیبلهگن ایدی.
