بغلان ولایتیده اسلامی حزب اعضالریدن بیرقطاری، اسلامی حزب اصلاحاتچیلری نامیده بیر جمغرمه ایجاد قیلگنلر.
اوشبو جمغرمه اعضالرینینگ ایتیشیچه، تینچلیک لایحهسیگه حکمتیارنینگ قوشیلیشی اولر اوچون هیچ بیر منفعت ییتکیزمهگن و جناب حکمتیار بو حزبنینگ اعضالرینی ایسیدن چیقارگن.
اسلامی حزبنینگ ییریک اعضالریدن بیری و مذکور جمغرمهنی باشلیغی عبدالله نهضتیارنینگ ایتیشیچه، حکمتیار اسلامی حزب اعضالرینی ایسیدن چیقاریب و اوزی ایسه اهالی و باشقه حزبلر آرهسیده اتفاقسیزلیک ایشلری بیلن شغللنهدی.
شونینگدیک، مذکور جمغرمه اعضالریدن باشقه بیری عبدالقدوس فهیمنینگ ایتیشیچه، گلبدین حکمتیار اهالی حضوریده نطق سوزلب حزبلر و اهالی آرهسیده اتفاقسیزلیک ایجاد قیلهدی. اونینگ ایتیشیچه، بوندن سونگ، اولر حکمتیارنینگ اسلامی حزب رهبری صفتیده تانیمهیدیلر.
اوشبو جمغرمه اعضالرینینگ ایتیشیچه، اولر هیچ بیر حزب گه قرشی ایمس دیر و باشقه حزبلر توغریسیده حکمتیارنینگ برچه بیاناتی اونینگ شخصی فکری دیر.
