سنا مجلسی بوگون (شنبه) امنیتی بلند مرتبهلی رسمیلرنی سونگی کونلردهگی حادثه و کابل اعتراضچیلریگه قرشی اوق اوزیش بارهسیده جوابگرلیککه چقیرگن ایدی. امنیتی بلند مرتبهلی رسمیلرینی جدی تنقید آستیگه آلگن قطار سناتورلر حکومت کابلده یوز بیرگن اخیرگی حادثهلر اینیقسه اعتراضچیلرگه ضد اوق اوزیش مسالهسینی جدی و هر تامانلمه تیکشیریش کیره دیگنلر. سنا مجلسی نینگ اورین باسری محمد علم ایزدیار، اعتراضچیلر ایستهگیگه اعتبار بیرمسلیک و بولرگه قرشی اوق اوزیش مسالهسی درست تیکشیریلمسلیگی خلق نینگ غضببیگه سبب بولیب کیلهجکده یامان پیامیدی بارلیگی خصوصیده آگاهلنتیرگن.
سنامجلسی نیگ بیرینچی اورین باسری، خلق اینیقسه اعتراضچیلرنینگ ایستهگیگه ایجابی جواب بیریلمهگن حالده، وضعیت حکومت نینگ کنترولیدن چیقه دیه دییه تاکید ایتگن. بوندن ایکّی هفته آلدین کابل نینگ زنبق چهار راهه سیده یوز بیرگن انتحاری هجومده یوزدن آرتیق کیشی قربان بولیب کمیده بیش یوز انسان تن جراحتی آلگن لیگیگه قرشی اعتراض بیلدیرگنلر ایدیلر.
اعتراضچلرگه ضد ملی کوچلرنینگ اوق اوزیشی عاقبتیده آلتیشی کیشی حیاتدن کوز یومیب اون نفر یرهلنگن ایدی.
بو واقعه دن سونگ اعتراضچیلر کابل نینگ زنبق تورت یولی داخل پایتخت نینگ قطار عمومی یوللریده تحصن خیمهسی تکیلیشگه قول اوردی.
اعتراضچلرنینگ باسیمیدن سونگ حکومت دولت باشقرهلاوچیلیگیگه حادثهنی جدی بیر شکلده تیکریش اوچون وظیفه بیردی. نهایت ده دولت باشقرهلاوچیلیگی نیچه کوندن سونگ کابل گارنیزیون قوماندنی گل نبی احمدزی همده کابل امنیه قوماندانی حسن شاه فروغ نینگ ایشدن آلدی.
