ملی مصالحه عالی کینگشی خلقارا تینچلیک کونی مناسبتی بیلن بیر اعلامیه ترقهتیب ایتیشیچه، طالبان گروهی مملکتده آتیش کیسین و زوروانلیک توختهتیلیشی خصوصیده بولگن ایستهککه ایجابی جواب بیریشلری کوتیلگن.
۲۱- سپتامبر خلقارا تینچلیک کونی گه برابر دیر. هر ییل بو کوندن اوروش قربانیلری نینگ ایسلهش و زوروانلیک توختهتیلیشی اوستیگه اورغولهش اوچون نشانلنهدی.
ملی مصالحه عالی کینگش باشلیغی عبدالله عبدالله بیر اعلامیه ترقهتیب ایتیشیچه، افغانستان تاریخی بیر موقعیت گه قرار تاپگن بیرحالده، خلقارا تینچلیک کونی ییتیب کیلگن و افغانستان و طالبان گروهی هیأتی دوحهده مذاکره قیلیش بیلن شغللنگن.
اعلامیه نینگ کوپهیتیریشیچه، افغانستان دولتی نینگ هیأتی تینچلیک نیتی و ارادهسی بیلن تینچلیک سوزلشوولریده حاضر بولگن و شونینگدیک طالبان گروهی زوروانلیک توختهتیلیشی و آتیش کیسین قیلینیشی گه ایجابی بیریشی توقع قیلینگن.
اعلامیه گه کوره، افغانستان ۴۰ ییل دن بویان اوروش نینگ اوتی گه یانماقده و بو اوروشلرده کوپینچه انسانلر جان بیرگن.
ملی مصالحه عالی کینگشی نینگ اعلامیهسی، افغانستان تینچلیک پروسهسیگه دخیل مملکتلرنینگ سعی و حرکتلریدن قدردانلیک قیلگن. اعلامیه اساسیده، افغانستان ده تینچلیک تأمین ایتیلیشی دنیا و منطقه نینگ خوفسیزلیگی گه تیگیشلی دیر.
ملی مصالحه عالی کینگشی طالبان گروهیدن همکارلیک سورهب و دوحه ده ایکی تامان هیأتلری آرهسیده مذاکره دوام ایتیب کیلهدیگن بیرحالده، طالبان گروهی افغانستان ده زوروانلیک میزانی نی کوپهیتیرگن.
