افغانستان میدیالری تامانیدن بیریلگن گزارشلر اساسیده، مملکت اجتماعی ایشلر، شهیدلر و ناگرانلر وزیری فیضالله ذکی، اسلامی حزب رهبری گلبدین حکمتیار بیلن بیرگهلیکده جمهور رئیس بیرینچی اورین باسری جنرال عبدالرشید دوستمنینگ مملکت گه قیتریب آلیب کیلتیریشی توغریسیده بحث اوتکزیش اوچون ترکیه گه سفر قیلگنلر.
میدیالر تامانیدن ترقهتیلگن گزارشلرده کیلیشیچه، مذکور ایکی کیشی جمهور رئیس غنینینگ ایستهگی بیلن ترکیه گه سفر قیلگنلر.
بیراق، سلاموطندارگه صحبت بیرگن اجتماعی ایشلر، شهیدلر و ناگرانلر وزیرلیگی سوزلاوچیسی عبدالفتاح احمدزینینگ ایتیشیچه، اجتماعی ایشلر وزیری شخصی ایش اوچون ترکیه کیتگن.
عین حالده، اسلامی حزب اعضالریدن بیری آتی فاش ایتیلیشینی ایستمهی ایتیشیچه، گلبدین حکمتیارنینگ سفری ترکیه گه رسمی ایمس؛ لیکن بو سفرده اونملی ملی موضوعلر توغریسیده بحث بولهدی.
اسلامی حزبنینگ اوشبو اعضاسی گه کوره، حکمتیار اولرگه بو سفرینینگ معلوماتی او سفردن قیتگینچه میدیاگه چیقمهسینی ایستهگن و اوزی سفردن قیتگنیدن سونگ، سفر نتیجهسینی میدیا بیلن شریک قیلهدی.
حکومت بوندن آلدین هم، جمهورلیک ریاستی بیرینچی اورین باسری عبدالرشید دوستم بیلن صحبت قیلیشی اوچون بیر هیأت نی ترکیه یوبارگن ایدی؛ بیراق اونینگ نتیجهسی حاضرگچه معلوم بولمهگن.
