شمالی آتلانتیک پیمانیگه اعضا مملکتلر (ناتو) نینگ ییریک ییغینی بوگون (جمعه) لهستان پایتختی وارساده باشلندی.
اوشبو ییغینده سوزلهگن ناتونینگ باش کاتبی ینس استولنتبرگنینگ ایتیشیچه، ناتو بوتون اتفاقداشلری سقلهنیشینی مدافعه قیلیب، هر قندهی ینگی امنیتی تهدیدنی یوق قیلیش اوچون تیار.
شونینگدیک او مذکور ییغینده، ناتوگه اتفاقداش دولتلریده امنیت دایمی تامین ایتیلیشی اوچون ینگی قرار قبول قیلیمهدی دییه تاکید ایتگن. استولنتبرگ اروپا شرقیده ینگی حربی مرکزلر ایجاد ایتیلیشی بارهسیده خبر بیرگن.
ناتونینگ باش کاتبی بو تشکیلات افغانستاندهگی عملیاتلرده کوپ نرسهلرنی اورگنگن دیب، ناتو افغان ملی کوچلرینی حربی تیارگرلیکدن اوتکزیش اوچون بیرگن وعدهسیگه عمل قیلهدی دیگن. عین حالده، ناتونینگ باش کابتی 2020 – ییلگه قدر افغان ملی کوچلر مالی دستکلهنیشی اوچون سعی حرکت آلیب باریشیدن سوز بیرگن.
استولنتبرگ، ناتوگه اعضا مملکتلر رهبرلریدن مملکتلرینینگ حربیلری افغانستانده قالیشی، امنیتی کوچلرگه مالی کومک قیلیش و اوزاق مددتگچه هم باشقه ساحهلرگه یاردم بیریش اوچون قرار آلیشلری اوستیده تاکید ایتگن.
اونینگ ایتیشیچه، بو حقیده آلینه دیگن برچه قرارلر افغانستانده ترورچیلیککه قرشی کورهشیش اوچون اولکن اهمیتگه ایگه. شونینگدیک بو قرارلر اساسیده افغانستان بوندن بویان ترورچیلر اوچون خوفسیزلیگی تامین ایتیلگن مرکزگه ایلنمیدی دیگن ینس استولنتبرگ.
عین حالده، ناتونینگ باش کاتبی افغنستان حکومتینینگ پاکستان همده باشقه مملکتلردن تینچ لیک لایحهسیگه کومک قیلیش اوچون آلیب بارگن سعی حرکتلریدن منتدارچیلیکب بیلدیرگن.
وارسا ییغینیده اشتراک قیلگن سلاموطندارنینگ خبرچیسیگه کوره، ییغین جریانیده لهستان جمهور رییسی افغانستان جمهور رییسی محمد اشرفغنی بیلن اوچرهشیب مملکتی نینگ حربی عسکرلری سانی افغانستانده آشیریلیشیدن خبر بیرگن.
باشقه تاماندن، امریکه قوشمه ایالتلرینینگ جمهور رییسی بارک اوباما مجلس آقیمیده افغانستان رهبری محمد اشرفغنی و اجراییه باشلیغی عبدالله عبدالله بیلن اوچرهشیب، امنیت، ملی بیرلیک حکومتی نینگ سیاسی معمالری، سیلاولرگه اصلاحات کیرتیش و امریکه نینگ کومکلر دوامینی محاکمه قلیشی ریجه لنتیریلگن.
لهستان پایتختی وارسا بوگون و ایرتهگه افغانستان همده ناتوگه اعضا مملکتلر رهبرلری اوچون میزبانلیک قیلهدی.
