هلمند ولایتی کینگشی، مذکور ولایتدهگی ناتینچلیکلر اصلی دلیلی امنیتی کوچلر ارا اویغورلیک بولمهگنلیگینی بیلدیرهدی.
هلمندولایتی کینگش باشلیغی محمدکریم اتل نینگ یکشنبه کونگی ولایت بیرقطار اهالیسی بیلن اوچرهشیب بو مطلبنی بیان ایتیب کوپهیتیریشیچه، حکومت حاضرگه قدر بو توغریده دقت قیلمهگن.
جناب اتلنینگ ایتیشیچه، پولیس و امنیتی کوچلر بیلن قوراللی عصیانچیلر ارا یوزبیرگن توقنه شوو جریانیده، امنیتی کوچلر بیر- بیراویگه یاردم بیرمهیدی. جناب اتل، مرکزی حکومتدن مذکور ولایت وضعیتی توغری سیده دقت قیلیشینی سورهدی.
شونینگدیک کینگش باشلیغینینگ ایتیشیچه، حکومت مذکور ولایت امنیتیگه دقت قیلمهگن صورتده، خلق حکومتدن باشقه حمایت قیلمهیدی.
جناب اتلنینگ کوپهیتیریشیچه، حکومت بوتوغریده دقت قیلمهگن صورتده، خلق بیلن حکومت ارا اوزاغلیق توشهدی.
عین حالده، هلمند ولایتینینگ مدنی فعاللر و تینچ اهالیسینینگ ایتیشیچه، هلمند شمال تومنلری هردایم توقنه شوولرگه گواه بولهدی و رسمیلر ناتینچلیکلر کوپهیشیگه دقت قیلمهگن.
اولرگه کوره، رسمیلرنینگ مذکور ولایت امنیتی توغریسیده بیللی برنامهسی یوق، انهشو سبب ایریم منطقهلر عملیاتلر اوتکزیلگندن کیین قیته طالبلر قولیگه توشهدی.
بیراق هلمند پولیس باشلیغینینگ ایتیشیچه، عصیانچیلر هوا ایسیقلیگیده هجوملرینی کوپهیتیرگن، لیکن اولر دشمنگه قرشی کورهشیش اوچون چاره تدبیر کورگنلر.
اوتگن نیچه آی جریانیده طالبلر هلمندنینگ شمالی منطقهلریده گروهی هجوم اویوشتیرگن، گزارشلرگه کوره، ایریم منطقهلرنی هم اوز اختیاریگه آلگن، بیراق بو مطلب نیچه مرته امنیتی رسمیلر تامانیدن رد ایتیلگن.
سونگی پیتلرده مذکور منطقه عصیانچیلردن تازهلش اوچون یولگه قوییلگن عملیات نتیجهسیده، مذکور گروهنی 18 عضوی هلاک بولگن.
حاضرگهقدر طالبلر بو توغریده بیرنرسه دیمهگن.
