بوگون ایرتلب (10-جواز) کابلده کوچلی بیر پارتلش یوز بیردی. دستلبکی معلوماتلرده واقعهده 80 انسان قربان بولیب و 350دن آرتیق کیشی یرهلنگن ایتیلهدی. پارتلش وزیر محمد اکبرخانده صادر بولدی. پارتلش نینگ آوازی کابلنینگ اوزاق منطقهسیده حیات کیچیره دیگن خلق قولاغیگه ایشیتیلگن.
حادثهنینگ مالی زیانی کوپ بولگن لیگی گزارش قیلینگن.
جمهور رییس لیک سرایی بیر خبرنامه نشر قیلیب، رمضان آیی نینگ بیشینچی کونیده صادر ایتیلگن بو هجومنی جدی قارهلهگن. خبرنامهده تیگیشلی ادارهلر رسمیلریگه یرهلنگنلر دوالهنیش اوچون تفاوتسیز قالمسلیگی سورهلگن. اوشبو خبرنامهده: «افغانستان خلقی نینگ دشمنلری ینه بیر مرته کابل نینگ گوجوم منطقهسی بولمیش وزیر محمد اکبرخانده قانلی پارتلش صادر قیلیش بیلن ییریک جنایتگه قول اوردیلر دییلگن»
اوشبو پارتلش توغریسیده دنیا مملکتلری هم عکسالعمل بیلدیردی.
هند
هند باش وزیری نارندرا مودی توییتر صحیفهسیگه بیر پیام نشر قیلیش بیلن واقعهنی قتیق قارلهگن. اونینگ مذکور پیامگه یازیشیچه: « کابلده صادر بولگن انتحاری هجومنی جدی قارهلهیمیز و ترورچیلیککه قرشی کورهش یولیده افغانستان حکومتیگه یاردم بیرهمیز»
روسیه
رسمی مسکو هم پایتختده یوز بیرگن پارتلشنی قتیق قارهلب چیقدی. گزارشلرده روسیه بلند مرتبهلی رسمیلری پارتلشده قربان بولگن خانهدانلرگه قیغوداشلیک بیلدیریب افغانستان دولتیگه تعزیه ایتگن.
پاکستان
شونینگدیک پکستان تشقی ایشلر وزیرلیگی هم بیر اعلامیه صادر قیلیب کابل هجومینی قارهلهگن. اعلامیهده کیلشیچه: «پاکستان دنیا نینگ هر بیر ییریده ترورچیلیک هجوم عملگه آشیریلیشی قرشی، رسمی اسلام آباد افغانستانلیک اینی آغهلر یانیده همهدن کوره بیز افغان خلقی نینگ دردینی کوپراق سیزهمیز»
ایران
ایران تشقی ایشلر وزیرلیگی نینگ سوزلاووچیسی بهرام قاسمیگه کوره، ترورچیلیک هجوم دنیانینگ قه ییری بولمهسین و قیسی گروه تامانیدن عملگه آشیریلیشیدن قطع نظر مردود و اویتلی بیر تدبیر»
ایران تشقی ایشلر وزیرلیگی نینگ تعبیریچه، کابلده صادر بولگن خودکش هجوم ترورچیلر بیلن جدی یاندهشیلمس لیگی و ترورچی گروهلر قطار مملکتلر ارقهلی قوللب قوتلهنیشینی معلوم قیلهدی دییه آگاهلنتیریلگن.
طالبان عکسالعملی
بوندن نیچه ساعت آلدین قوراللی طالبلر دفتری هم بیر اعلامیه صادر قیلیب هجوم بو حرکت نینگ ایشی ایمس ایکن لیگینی بیلدیردی. طالبان سوزلاووچیلریدن بیر ذبیحالله مجاهد اوشبو خبرنامهده: « حادثهده بیزنینگ اعضالریمیزنی قولی هم یوق، بوندهی هدفسیز هجومنی صادر قیلیش اوچون رخصت هم بیرمهگن میز» دیدی.
