افغانستان جمهور رئیسی تامانیدن طالبلرنینگ برابریده اوربند اعلان قیلینگن ویدیویی پیامدن ایکی کون اوتگنیدن سونگ، مذکور گروه بیر خبرنامه ترقهتیب ایتیشیچه، یالغیز روزه بیرم هییتینینگ اوچ کونیده امنیتی کوچلرنی هدف قرار بیرمهیدیلر؛ بیراق چیتایللیک کوچلرنینگ برابریده هجوملریگه دوام بیرهدیلر.
طالبلرنینگ خبرنامهسی نشر ایتیلگنیدن ساعت اوتگنیدن سونگ، جمهورلیک ریاستینینگ سوزلاوچیسی محمدهارون چخانسوری، کابلده بیر خبری ییغین یولگه قوییب ایتیشیچه، تینچلیک توغریسیده بولگن هر بیر حرکتنی حکومت نیک کورهدی و طالبلر تامانیدن اعلان ایتیلگن 3 کونلیک اوربندنی خوش قرشیلهیدی.
جناب چخانسوری گه کوره، طالبلر اعلان قیلگن اوربندینی عمل قیلیشگه حکومت امید بیلدیرهدی.
باشقه تاماندن، حربی ایش بیلرمانلرنینگ ایشانچی گه کوره، اوچ کونلیک اوربند اوچون طالبان گروهینینگ ایجابی جوابی یخشی بیر حرکت دیر؛ بیراق ایتیشیچه، طالبلر اوچ کونلیک اوربند اعلان قیلیب اهالینی الدهب و توشونچهسینی اوزگرتیریش اوچون سعی و حرکت قیلهدی. اولرگه کوره، طالبلر نیچه گروه بولگنی باعث، امنیتی ادارهلر بو اوربندگه الدهنمهسی لازم.
عین حالده، نمایندهلر کینگشی اعضالریدن بیرقطاری، حکومتنینگ برابریده طالبلر تامانیدن اعلان ایتیلگن اوچ کونلیک اوربندنی خوش قرشیلگن.
اوتگن هفته «پنجشنبه» کون افغانستان جمهور رئیسی محمداشرف غنی، روزه آیینینگ 27- کونیدن باشلب روزه بیرم هییتینینگ 5- کونیگچه طالبلرنینگ برابریده اوربند اعلان قیلگن ایدی.
