طالبان بوگون (چهارشنبه) بیر بیانات ترقه‌تیب، مولوی هیبت‌الله آخندزاده اوشبو گروه‌نینگ ینگی رهبری ایتیب تعین‌لنگن‌لیگینی بیلدیرگن. طالبان خبرنامه‌سیده یازیلیشیچه، بو توغریده طالب‌لر گروهی‌نینگ برچه اعضالری فکر بیرلیگی‌ده قرار قبول قیلینگن.
شونینگ‌دیک سراج‌الدین حقانی و ملا محمدیعقوب‌لر مولوی هیبت‌الله آخندزاده نینگ اورین باسری صفتی‌ده تعین ایتیلگن‌لر.
طالب‌لر بو بیانات‌ده حرکت‌نینگ سابق ییتکچی‌سی ملااخترمنصور اولدیریلگن لیگی‌نی اعتراف قیلیب، اونینگ اولدیریلگنی مذکور حرکت فعالیتی‌گه سلبی تاثیر قالدیرمس‌لیگی اوستی‌ده تاکیدله‌گنلر.
طالب‌لر حرکتی ملا منصور اولدیریلگنی مناسبتی بیلن اوچ کون فاتحه اوقیش و عمومی قیغوداش‌لیک اعلان قیلگن‌لر.
خبرنامه‌ده کیلیشیچه، طالبان گروهی اداره‌سی آستی‌ده بولگن برچه شخصیت‌لردن مولوی هیبت‌الله آخندزاده‌نی بیعت قیلیب، اوندن حمایت قیلیش‌لری سوره‌لگن.
