.jpg)
سلاموطندارگه ییتیشگن ینگی بیر حجت گه کوره، جمهورلیک ریاستینینگ اداری ایشلری بوییچه ادارهسینینگ ایکینچی و اوچینچی بستلرده بولگن ایشلاوچیلریدن بیرقطاری، مسؤوللرنینگ سلیقهیی حرکتلری و حاکم بولگن سیاسی و قومی فضا باعث، گروهی شکلده مذکور اداره ده بولگن وظیفهلریدن استعفاء بیرگنلر.
حجت گه کوره، جمهورلیک ریاستینینگ خلق ارا ایشلری بوییچه ییریک مصلحتچیلیگینی سابق ایشلاوچیلریدن هما سعادت، کمال ناصر همیار، عبدالمبشیر احمدی و عبدالخالق عباسی، مذکور اداره بیکار قیلینگنیدن سونگ، جمهور رئیس غنی نینگ حکمی اساسیده، اداری ایشلر بولیمی ادارهسیده تعیین ایتیلگنلر ایکن، بیراق نیچه آی اوتگنیدن سونگ، اولر بو اداره دن استعفاء بیریشگنلر.
اوشبو استعفاءنامهنی بیر بولیمیده کیلیشیچه، خلق ارا ایشلری بوییچه ییریک مصلحتچیلیگینینگ ایشلاوچیلریدن بیرقطاری، ظرفیتگه ایگه بولگنلری و قولگه کیریتگن یوتوقلری باعث، اداری ایشلر بولیمی ادارهسیده جایلشتیریلگنلر، بیراق ایشلاوچیلر قاعدهسیگه قرشی و مذکور اداره نینگ رهبرلیک اعضاسینی ناتوغری یاندهشیشلری سبب، اولر گروهی شکلده استعفاء بیرگنلر.
بونگه علاوه، سلاموطندارگه ییتیشگن باشقه بیر حجت گه کوره، جمهورلیک ریاستینینگ اداری ایشلری بوییچه ادارهسی ادارهسینینگ ریاستی، استعفاء بیرگنلرنینگ استعفاءنامهسیده قید ایتیلگن قیینچیلیک موضوعلریدن هیچ نرسه ایسلَمهگن و یالغیز یازیشیچه: «جناب عالیلر هر بیری هما سعادت، کمال ناصر همیار، عبدالمبشیر و عبدالخالق عباسی، جمهورلیک ریاستینینگ اداری ایشلری بوییچه ادارهسی نینگ عمومی ریاستی عنوانیده یازگن تکلیفی بیر ورقه آرقهلی اداری قیینچیلیکلری اساسیده، استعفاءلری تصدیقلنیشینی طلب قیلگنلر.»
.JPG)
جمهورلیک ریاستینینگ اداری ایشلری بوییچه ادارهسی نینگ عمومی باشلیغی سیدعبدالوحید قتالی هم اوشبو موضوع قندهیلیگی، یازیلیش طریقهسی و بو ایشلاوچیلرنینگ گروهی استعفاءسینی سببی قندهیلیگینی نظرگه آلمهی یازیشیچه، جناب عالیلر هما سعادت، کمال ناصر همیار، عبدالمبشیر و عبدالخالق عباسیلرنینگ استعفاءلری منظور دیر.
اوشبو موضوع توغریسیده جمهورلیک ریاستینینگ اداری ایشلری بوییچه ادارهسی مسؤوللرینینگ فکرلرینی اورگهنیش اوچون علاقه قوردیک، بیراق تکراری قونغیراقلر نتیجهسیده مؤفق بولمهدیک.
جمهورلیک ریاستینینگ اداری ایشلری بوییچه ادارهسی گه یقین منبعلردن بیرقطاری نینگ سلاموطندارگه ایتیشیچه، اداری ایشلر بولیمی ادارهسیده حاکم سیاسی و قومی موضوعلر یانیده، مذکور ادارهنینگ فضاسی کوپلب سیلاوی بولگن و هر کیم بو وضعیت گه قرشیلیک بیلدیرگن حالده، تورلی بهانهلر بیلن چیکلنتیریلهدی.
