.jpg)
بوگون «پنجشنبه» کابلده عاشورا کونینینگ عزادارلیک مراسمیده جمهور رئیس غنی، باشکینت غربینینگ یشاوچیلریدن بو منطقهنی قیینچیلیکلری حل ایتیلیشی خصوصیده، جمهورلیک ریاستینینگ ییریک مصلحتچیلیک چوکیسیده آرهلریدن بیر نماینده تانیشتیریشلرینی سورهدی.
شونینگدیک، بو مراسمده اونینگ ایتیشیچه، مذکور حوزهنینگ امنیتی ادارهلری کنترولینی هزاره قوم آرهسیدن بولگن نمایندهلرگه تاپشیرهدی.
افغانستان جمهور رئیسی، باشکینت پولیس قومندانلیگیده کابل غربی اوچون خاص بیر اورین باسرلیک ایجاد ایتیشدن خبر بیریب ایتیشیچه، ایجاد ایتیلگن اورین باسرلیک کابل غربینینگ خوفسیزلیگینی تأمینلهیدی.
جناب غنینینگ کوپهیتیریشیچه، بوتون اهالینینگ درد و رنجی بیر دیر، بیراق دوشمنلر اونی قومی و مذهبی قیلیش اوچون سعی و حرکت قیلهدیلر. اونینگ اورغولشیچه، افغانستان حکومتی و اهالیسی دوشمنلرنینگ دسیسهلریدن خبر بولگن و اونگه قرشی کورهش اوچون تیارگرلیک آلگن.
.jpg)
اوشبو مراسمده جمهورلیک ریاستی ایکینچی اورین باسری سرور دانش نینگ ایتیشیچه، کابل غربی ده سونگی یوز بیرگن هجوملرده یوزلرچه یاش هلاک ایتیلگن.
او، عاشورا عزادارلیک مراسمیده جمهور رئیسنینگ حضورینی باشکینت غربینینگ یشاوچیلریگه همدردلیک قیلیش دیدی.
عاشورا مراسمی نشانلهنیشی اوچون نیچه کوندن بویان کابل و باشقه شهرلرده جدی شکلده امنیتی تدبیر آلینگن و امنیتی کوچلرنینگ یانیده، شیعه مذهب یاشلردن بیرقطاری، خوفسیزلیک تأمینلنیشی اوچون تکیهخانهلر و مسجدلرده جایلشتیریلگن.
