سنامجلسی شکایتلرگه تینگلش کمیسیونینینگ اولتیریشی، کابل بانک اصلی قرضدارلریدن بیری خلیلالله فروزینینگ قوییب یوباریلیشی توغریسیده بولگن، بویروغ مسئلهسیگه تینگلش اوچون، بوگون (چهارشنبه) اوتکزیلدی. اوشبو ییغینده احمدضیا مسعودنینگ نمایندهسی، شهر قوریش وزیرلیگینینگ حقوقی مصلحتچیسی و بگرام تورمهسی حربی پولیس قومندانی، سنامجلسی شکایتلرگه تینگلش کمیسیونیگه چقیریلگن.
ییغین باشلهنیشیده، بگرام تورمهسی حربی پولیس قومندانی میرصاحبگل، کمیسیون اعضالری و میدیالرگه حجت کورسهتیب ایتیشیچه، 6/5/94 تاریخیده امنیت 40- ریاستی (ملی خوفسیزلیک ساغلیک خذمتلر ریاستی) تامانیدن اولرگه یوباریلگن 1977- مکتوبده کیلیشیچه، خلیلالله فروزی، جمهور رییس بویروغی و کسللیگی شدتلنگنی باعث، دارولش اوچون شاه امانالله خان کسلخانهسیگه آلیب باریلیشی لازم.
اوشبو مکتوبنی بیرقسمیده کیلیشیچه، 5233- مکتوبنی بیر کاپیسی 3/5/94 تاریخیده، اداری ایشلر ریاستی تامانیدن خلیلالله فروزینینگ شاه امانالله خان کسلخانهسیده یاتقیزیلیشی، جناب فروزینینگ عایلهسینی ایستک نامهسی بیلن بیرگه جمهور رییسنینگ حکمی اساسیده، بگرام تورمهسی حربی پولیس قومندانلیگیگه یوباریلگن.
باشقه بیر حجتده، «خلیلالله فروزینینگ ورثهسی) جمهور رییسدن ایکی نرسه سورهگن؛ بیری خلیلالله فروزینینگ دارولش اوچون کسلخانهگه آلیب باریش و باشقه ایستهگی جناب فروزینینگ، بگرام تورمهسیدن پلچرخی تورمهسیگه انتقال بیریش دیر. جناب فروزینینگ عایلهسی، اوشبو ایستکلر دلیلینی اونینگ قند و یورهک کسل لیگی شدتلنگنی و شونینگدیک، بگرام تورمهسینینگ فضاسی مناسب بولمهگنی و مذکور تورمهده اونلرچه تروریست حضوری دیگنلر.
جمهور رییس غنی انچه پیت آلدین، شهر قوریش وزیرلیگی بیلن خلیلالله فروزینینگ، اورتهسیده بیر هوشمند شهرچه قوریلیشی خصوصیدهف قول قوییلگن کیلیشوونی لغو ایتدی. اوندن کیین جناب غنی، حقوقی مصلحتچیسینینگ وظیفهسینی توختهتیب قویدی. دولت و خلیلالله فروزینینگ اورتهسیده قول قوییلگن کیلیشوو اساسیده، هوشمند شهرچه آچیلیش مراسمیده، جمهور رییسنینگ حقوقی مصلحتچیسی عبدالعلی محمدی، کابل بانک پوللرینی توپلش خصوصیده، جناب فروزینینگ، قوییب یوباریلیشینی یخشی گزینه دیگن ایدی. ایتیش لازم، هوشمند شهرچه آچیلیش مراسمیده، شهر قوریش وزیری جناب منصور نادری، جمهور رییس خاص نمایندهسی احمدضیا مسعود، پارلمانی ایشلر بوییچه وزیر نبی فراهی و خلیلالله فروزینینگ اوزی حضور کیلتیرگندی.
سنامجلسی شکایتلرگه تینگلش کمیسیونینینگ اولتیریشی اداغیده، اوشبو کمیسیون باشلیغی زلمی زابلینینگ ایتیشیچه، جمهور رییس اوزی، جناب فروزینینگ قوییب یوباریلیشی خصوصیده، افغانستان خلقیگه جواب بیریشی کیرهک؛ شونینگدیک جناب زابلینینگ اورغولشیچه، کابل بانک دوسیهسی، جناب فروزینینگ قوییب یوباریش مسئلهسی و هوشمند شهرچه کیلیشووی خلق و ملی کینگش نمایندهلریگه بیللی بولگینچه، اولر بو لایحهدن وازکیچمهیدی.
عین حالده، جمهور رییس سوزلاوچیسی اورین باسری سید ظفر هاشمینینگ سلاموطندارگه ایتیشچه، هوشمند شهرچه حقیقتینی تاپیش کمیسیونینینگ تیکشیروولری یکونلنگینچه، جمهورلیک ریاستی، اوشبو حجت توغریلیگینی تأیید قیلمهیدی.
