افغانستان تشقی ایشلر وزیرلیگی بیر اعلامیه نشر قیلیب ایتیشیچه، مملکت تشقی ایشلر وزیری محمدحنیف اتمر، ایرانیلیک همتاسی محمدجواد ظریف بیلن ایران چیگرهچیلری تامانیدن افغانستان یشاوچیلریدن بیرقطاری غرق قیلینگن ادعاسی توغریسیده تلیفونی صحبتلشگن.
مملکت تشقی ایشلر وزیرلیگی نینگ اعلامیهسیده کیلیشیچه، اوشبو تلیفونی علاقهده ایکی تامان یوز بیرگن واقعه توغریسیده ینگی تیکشیروولر باشلهنیشی اوستیگه تأکیدلشگن. شونینگدیک، اوشبو اعلامیه ده کیلیشیچه، افغانستان نینگ تیکشیرووچی هیأتی هرات ولایتی گه ییتیشگن و تیکشیروولرینی باشلهگن.
اعلامیه ده کوپهیتیریلیشیچه: «بو تیکشیروودن مقصد حقیقتلرنی تاپیش، آچیق فضاده سونگ بیر قرار آلیش و کیلهجک ده بوندهی واقعه تکرارلنیشی آلدی آلینیشی اوچون ییچیم یول تاپیش دییلهدی.»
شونینگدیک، ایران تشقی ایشلر وزیری نینگ ایتیشیچه، مملکتی بو واقعه تیکشیریلیشی اوچون حادثه یوز بیرگن محل گه بیر هیأت یوبارهدی. عین دمده، افغانستان تشقی ایشلر وزیرلیگی نینگ ایتیشیچه، کیرهک بولگن صورتده، ایکی مملکت هیأتی واقعه محلیده مشهد و هرات شهرلریده قوشمه صحبت اوتکزیشی لازم.
افغانستان یشاوچیلریدن اونلرچهسی بیر هفته آلدین ایران چیگرهچیلری تامانیدن قیناقلهنیب هیرمند دریاسی گه تشلنگن.
اوشبو واقعهدن قوتیلگن مهاجرلرنی سلاموطندارگه ایتیشیچه، رقملری 57 کیشی بولگن و بو آرهدن 23 کیشی جان بیرگن. اولرگه کوره، ایران پولیسی اولرنینگ آگاهلنتیرگن کیم «یا اوزلرینگیزنی دینگیز گه تشلهنگ، یا-ده اوققه توتیب اولدیرهمیز دیگن.» بو مهاجرلر غرق بولیشدن آلدین، بیر کیچه-کوندوز ایران چیگره پولیسی نینگ قمراویده قالگن.
بیراق، ایران تشقی ایشلر وزیرلیگینی سوزلاوچیسی سیدعباس موسوی، بو خبر نشر قیلینگنیدن سونگ، ایتیشیچه، بو واقعه افغانستان توپراغیده یوز بیرگن و ایران اسلامی جمهوریتی نینگ چیگرهچیلری، بو توغریده ایران توپراغیده هیچ قندهی واقعه گه سبب بولمهگن.
