تینچلیک مصلحتی قورولتایی یکونلنگنیدن بیر کون اوتگنیدن سونگ، آنادولو خبری آژانسی گه صحبت بیرگن مملکت اجراییه باشلیغی داکتر عبدالله عبدالله نینگ ایتیشیچه، بو قورولتای افغانستان اهالیسی اوچون هیچ قندهی ایجابی نتیجه بیرمهگن.
اجراییه ریاستی تامانیدن نشر ایتیلگن خبرنامه گه کوره، جناب عبدالله بو مطلب نی ترکیه گه قیلگن سفری جریانیده بیان قیلگن؛ اونینگ ایتیشیچه، یولگه قوییلگن قورولتای کوپلب مالی خرجت کوترگنی گه علاوه دولت و اقتصادی فعالیتلرنی قیینچیلیککه روپه ره قیلیب و بولردن باشقه هیچ بیر ینگی نتیجه کورستمهگن.
شونینگدیک، ملی خوفسیزلیک سابق مصلحتچیسی محمدحنیف اتمر رهبرلیگیده تینچلیک و اعتدال سیلاو تیرمه جماعهسی نینگ ایتیشیچه، حکومت «فرمایشی» بیر قورولتای یولگه قوییب تینچلیک جریانینی بوزگن و سیاسی جریانلرنی حذف قیلیش اوچون سعی و حرکت قیلگن.
تینچلیک مصلحتی قورولتایی مملکت بویلب 3000 دن آرتیق کیشی نینگ اشتراکیده 9- ثور دن باشلندی و جمعه کون توشدن آلدین یکونلندی.
شو توغریده…
تینچلیک مصلحتی قورولتایی یکونلندی
