قویاش 1396- ییل یکونلنیشی بیلن جمهورلیک ریاستی و عطامحمد نورنینگ قرهمه قرشیلیکلری هم یکونلندی.
آتی فاش ایتیلیشینی ایستمهگن حکومت ییریک منبعلریدن بیرینینگ سلاموطندارگه ایتیشیچه، حکومت تشکیلاتیده اصلاحات کیریتیش خصوصیده حکومت شرطلریدن باشقه، ارگ بیلن عطامحمد نور طبیعی حادثهلرگه قرشی کورهش دولت وزیرلیگی، معارف وزیرلیگی، بلخ ولایت مقامی و پولیس قومندانلیگی کرسیلری اوستیگه کیلیشگنلر و نوروزنینگ بیرینچی کونیده اوشبو کیلیشوو رسمی شکلده اعلان ایتیلیشی ممکن.
منبع دن نقل بولیشیچه، طبیعی حادثهلرگه قرشی کورهش وزیری صفتیده نجیب فهیم و معارف وزیری صفتیده میرویس بلخی جمعیت حزبی تامانیدن تکلیف ایتیلگن.
عطامحمد نورنینگ سوزلاوچیسی منیراحمد فرهادنینگ ایتیشیچه، جمهورلیک ریاستی و اسلامی جمعیت حزبینینگ اجراییه باشلیغی قرهمه قرشیلیکلر یکونلنیشی خصوصیده، کیلیشگنلر و تیزلیکده اوشبو کیلیشوو نتیجهسی اعلان ایتیلهدی، «بیراق اوشبو کیلیشوو توغریسیدهگی سونگی قرار جمعیتنینگ قولیده دیر.»
ارگ بیلن جمعیت حزبینینگ سوزلشوو هیأتیدن بیر منبعنینگ ایتیشیچه، ارگ رسمیلری بیلن جناب نورنینگ سوزلشوولریده بو هیأت ارهلشمهگن، بیراق جمهورلیک ریاستی بیلن جمعیت حزبینینگ اجراییه باشلیغی آرهسیدهگی کیلیشوودن خبر بولگنلر.
بوندن آلدین، ارگ بیلن جمعیت هیأتی اعضالریدن بیری، جناب نور ارگ تامانیدن قانیقتیریلگنینی ایتگن ایدی.
بو توغریده جمهورلیک ریاستی هیچ نرسه دیمهیدی، بیراق محلی ارگانلر ادارهسینی سوزلاوچیسی منیره یوسفزاده نینگ ایتیشیچه، ارگ و جمعیت کیلیشوویدن خبر بولمهگنلر.
