بو اداره یرهش، ییتکرمه و یخشی حکومتچیلیک بولیمیده فعالیت قیلیشی کوتیله دیگن بیرینچی تخصصی انستیتوت حسابلنهدی.
جمهور رییس غنی نینگ ایکینچی اورین باسری سرور دانش بوگون (پنج شنبه) مذکور انستیتوت آچیلیشی ییغینیده سوزلب ایتیشیچه، ییتکرمهلر مملکتده یرهش و تینچلیکنی حمایت قیله دیگن مهم اداره سنهلهدی.
اونینگ سوزلریگه قرهگنده، مملکت مطبوعاتی دایم حکومت تامانیدن حمایت بولیب کیلگن و ییتکرمهلر هم مملکت خلقی ذهنینی چلغیته دیگن هیچ بیر موضوعنی ترقتمسلیگی لازم.
یرهش، ییتکرمه و یخشی حکومتچیلیک تخصصی ادارهسی نینگ باشلیغی احمد کمیل میرشادبیک نینگ سوزلرگه قرهگنده، مملکتده یرهش تامین بولیشی اوچون ییتکرمهلر خلق اراسیده علاقه کوپریگی صفتیده یخشی رول اوینهشی ممکن. او، سوز ایرکین لیگی چیکلنمس لیگی لازم دیگن.
یخشی حکومتچیلیک، یرهش و ییتکرمهلر تخصصی انستیتوتی مسووللری، حاضرگی شرایطده اخبارات واسطهلری حکومت اوچون بیرینچی حمایتچی بوله بولهدی دیدیلر.
