افغانستان جمهورلیک ریاستی نینگ سیلاوی سرطان آییده یولگه قوییلیشی خصوصیده قرار قیلینگن ایدی؛ بیراق سیلاولر ایرکین کمیسیونی بو سیلاونینگ یولگه قوییلیش زمانینی 6- میزان دیب اعلان قیلدی.
افغانستان اساسی قانونی نینگ 61- مادهسی اساسیده، جمهور رئیس نینگ وظیفهسی بیشینچی ییلنینگ جوزا آیینی بیری ده سیلاودن سونگ یکونلنهدی.
حقوقدانلردن بیرقطاری نینگ ایشانچی گه کوره، جوزا آییدن سونگ جمهورلیک ریاستینینگ مقامیده جمهور رئیس قانونیتینی قولدن بیرگن حالده، قدرت بوشلیگی وجودگه کیلیشی ممکن.
سلاموطندارگه صحبت بیرگن حقوقدان وحید فرزهیی نینگ ایتیشیچه، ملی بیرلیک حکومتی سیلاو جریانینی قمراوگه آلیب و اوز باشیمچه حکومت گه اوزگرگن.
اوشبو حقوقدان گه کوره، جوزا آییدن سونگ، قانون نقطهی نظریدن قدرت بوشلیگی وجودگه کیلهدی و اساسی قانون نینگ 68- مادهسی اساسیده، حکومت سرپرست گه تاپشیریلیشی کیرهک.
عین حالده، حقوقدانلردن باشقه بیری عبدالکبیر رنجبرنینگ ایشانچی گه کوره، جوزا آییدن سونگ قدرت بوشلیگی وجودگه کیلمهیدی و حاضرگی جمهور رئیس ینگی جمهور رئیس آنت ایچیش مراسمی ی اوتکزگونگهقدر قانونی حاکمیت گه ایگه بولهدی.
اونینگ ایتیشیچه، اساسی قانونده جمهور رئیس نینگ ایشی یکونلنیشی توغریسیده چیگللیک موجود و شو یوزهدن اساسی قانون نینگ روحی حکمی اساسیده، جمهور رئیس نینگ ایشینی دوامی شرعی دیر.
شو توغریده…
غنی: سیلاونی ینه بیرمرته آرتده قالدیریلیشی قابل قبول ایمس
غنی: سیلاو دایمی تینچلیک اوچون اونملی دیر
دانش: سیلاو آرتده قالدیریلگن صورتده، دولت قوریش لایحهسی توختهلیشی ممکن
رنجبرگه کوره، سیاسی و امنیتی شرایط اساسیده، اساسی قانون نینگ 61- مادهسی سابق و حاضرگی حکومت ده تطبیق ایتیلمهگن.
سیلاولر ایرکین کمیسیونی تامانیدن جمهورلیک ریاستی سیلاوینینگ یولگه قوییلیش زمانی آرتده قالدیریلگنیدن سونگ، اساسی قانون تطبیقاتیدن نظارت قیلووچی کمیسیون بیر خبرنامه ترقهتیب جمهورلیک ریاستی سیلاوینینگ یولگه قوییلیش زمانی 3 آی آرتده قالدیریلیشینی سیلاولر ایرکین کمیسیونی تامانیدن آچیق شکلده اساسی قانون نقض ایتیلیشی دیدی.
اساسی قانون تطبیقاتیدن نظارت قیلووچی کمیسیونینینگ خبرنامهسی اساسیده، جمهور رئیس نینگ ایشی جاری ییل جوزا آیینینگ بیرینچی کونیده یکونلنهدی.
شونینگدیک، مزارشریف شهریده نوروز بیرهمی مراسمیده نطق سوزلهگن جمهور رئیس غنی نینگ ایتیشیچه، جمهورلیک ریاستی سیلاوینینگ یولگه قوییلیش زمانی آرتده قالدیریلیشینی قبول قیلمهیدی.
