کابلده تینچلیک یوکسک کینگشی سابق باشلیغی برهانالدین ربانینینگ 5- ییل وفاتی ایسلش مراسمی اوزگچه بولیب اوتدی.
سابق جهادی باشلیغلردن عبدالرب رسول سیاف نینگ بیاناتی ارا بیر قنچه الملی ییگیتلر سابق جمهور رییسگه قرشی «اولسین کرزی» دیگن شعار بیردیلر؛ اما او چقانلیک بیلن وضعیتنی اوز نفعیگه تمام قیلدی.
الملی ییگیتلرنی ناراضیلیگی حامد کرزینی سونگی طالبلردن دفاع قیلیب بیرگن بیاناتیگه قرشی ایدی. او بی بی سی بیلن قیلگن صحبتده طالبلرنی قرداش خطاب قیلگن و امیریکه بیرلشمه ایالتی نینگ اولرگه قرشی هوایی هجوملری دوام ایتیب کیلیشیگه قرشی لیک بیلدیرگن ایدی.
کرزیدن طالبلر افغانستان ولایتلریدن نیچه تهسینی تصرف قیلگنده هم هوایی هجوملرگه قرشی قالهسیزمی دیگن سوراققه، هه؛ طالبلر افغانلر و بیر منطقهنی تصرف قیلگن صورتده کیشینی حقی یوق بیر افغان قولیدن آلسه دیدی.
سابق جمهور رییس نینگ بو سوزلری کوپلب قرشیلیکلر بیلن روپهره بولدی و مدنی فعاللردن کوپیسی کرزینی محکمه بولیشینی سورهدیلر.
.jpg)
برهانالدین ربانینینگ 5- ییل وفاتی ایسلش مراسمیده قرشیلیک کورستگن الملی ییگیتلرهم اونگه قرشی شعار بیریب اوز عصبانیتلیکلرینی بیلدیردیلر.
بیراق حامد کرزی ییگیتلرنی بو اعتراضلری حقلری ایکنلیگینی معلوم قیلیب بولردن بیرینی قوچاغیگه آلدی و شعار بیرگنلرنی بو عمللرینی خوش قرشیلهدیلر. او افغان اهالیسی ارا تشقیلیکلر نفاق تشله ماقچی بولهدیلر و بیزنی الدنمسلیگیمیز لازم دیدی.
بلخ سرپرستی عطامحمد نور ییگیتلرنی بو حرکتیگه قرشیلیک کورستدی و اونگه کوره، یاش اولوغلرگه حرمت سیزلیک انسانلر شأنیگه بولمهگن بیر عمل و او حامدکرزیگه حرمت بیرهدی.
تشقی ایشلر وزیری و برهانالدین ربانینینگ اوغلی صلاحالدین ربانی هم صحبتلری ارا کرزیگه اولیم دیگن شعار جمعیت حزبی قرهشیگه قرشی ایدی دیدی.
