نیچه کون آلدین پاکستان دین عالملر جمعیتی نینگ باشلیغی مولانا فضلالرحمن افغانستان دولتی برابریدهگی اوروشنی روا دیگن ایدی. نا مسوولانه تیلگه آلینگن بو سوزلرگه عکس العمل بیلدیرگن افغانستان دین عالملر کینگشی پاکستانلیک دین عالملردن اسلام دنیاسی دین عالملری حضوریده افغانستان دین عالملری بیلن علمی مناظرهگه شرکت قیلشنی تکیلف ایتگن.
بوگون (پنجشنبه) افغانستان دین عالملر کینگشی نینگ سوزلاووچیسی مولوی محمد قاسم حلیمی کابلده اوتکزیلگن خبری بیر انجمنده، مولانا فضلالرحمن علمی ایشانچگه ایگه بیر شخص ایمس؛ لیکن، معیین قرارده تورمهگن بیر سیاستچی صفتیده دایم شخصی منفعتلرنی اوستون کوریب پاکستان جاسوسلیک ادارهسی نینگ بویروغی بیلن افغانستان خلقی توغریسیده سلبی تبلیغ قیلهدی دیگن.
جناب حلیمیگه کوره، مولانا فضلالرحمن، عالی محکمهسی نینگ قراری انگلستان قانونیگه موافق عملگه آشیریله دیگن بیر مملکت نینگ آدرسیدن گپیرهدی؛ حال بوکه افغانساان عالی محکمهسی نینگ بوتون قراری اسلام قانونگیگه موافق دیر.
افغانستان دین عالملر کینگشی نینگ سوزلاووچیسی، پاکستانلیک اوشبو دین عالم مسجدلر، مکتبلر، عمومی یوللر و شفاخانهلرده انتحاری هجوم صادر ایتیلیشینی جهاد دیب بیلهدی؛ حالبوکه اونینگ بو فتواسی تکفیری بیر عمل سنهلهدی دیگن.
شونینگدیک خاتینلرنی «ناقص العقل» اتهگن مولوی مبشر سوزلری توغریسیده اشاره قیلگن افغانستان دین عالملر کینگشی، اونینگ بو صحبتی رسمیتی یوق و خاتینلر ایسه اسلام دنیاسیده یوقاری منزلتگه ایگه بیر قتلم دیر.
