بوگون «چهارشنبه» کابلده ژنو ییغینیده افغانستان اشتراک قیلیش اوچون اویغونلیک و نظارت بوردینی 21- ییغینی یولگه قوییلدی.
اوشبو ییغینده افغانستان بوییچه بیرلشگن ملتلر تشکیلاتینینگ باش کاتبینی خاص نمایندهسی تادامیچی یاماموتونینگ ایتیشیچه، افغانستان حکومتی ژنو ییغینی یولگه قوییلگونگهقدر آلتی اونملی موضوع اوستیگه ایش قیلیشی کیرهک.
افغانستان بوییچه بیرلشگن ملتلر تشکیلاتینینگ باش کاتبینی خاص نمایندهسی گه کوره، اوشبو آلتی موضوع گه سیلاولر تنیق شکلده یولگه قوییلیشی، ایلگریدن تعیین ایتیلگن مقصدلرگه ییتیشیش، وزیرلیکلرنی آرهسیده اویغونلیکنی تأمین قیلیش، امنیتی کوچلر بایومتریک قیلینیشی، خصوصی بولیم رواجلنیشی اوچون قانون تیارلنیشی و فسادگه قرشی کورهش دیر.
جناب یاماموتونینگ ایتیشیچه، سیاسی و اقتصادی بولیملرده اونملی یوتوقلر عملگه آشیریلگن و طالبلرنینگ برابریده آتیش کیسین اعلان ایتیلیشی اولردن بیر اورنک دیر.
شونینگدیک، اوشبو ییغینده مالیه وزیرلیگی سرپرستی همایون قیومینینگ ایتیشیچه، افغانستان اقتصادی بولیملرده کوز توترلی درجهده یوتوقلرگه قول تاپگن و گمرکلر، بانکلر و باشقه بولیملرده اصلاحات کیریتیلگن.
جناب قیومی گه کوره، افغانستان حکومتینینگ درامدی میلادی 2014- ییلده 99 میلیارد افغانی گه ییتیشردی و میلادی 2017- ییلده 169 میلیارد افغانی گه ییتیشگن.
اوشبو ییغینده جمهور رئیس محمداشرف غنینینگ ایتیشیچه، افغانستان تینچلیگی توغریسیده خلق ارا جماعهسی تشکیل ایتیلماقده. جمهور رئیس غنینینگ کوپهیتیریشیچه، نمایندهلر کینگشی، تومنلر کینگشی و شونینگدیک، جمهورلیک ریاستی سیلاولری حتمی شکلده یولگه قوییلهدی.
ژنو ییغینی افغانستان حکومتی اوچون اونملی دییلهدی و بو ییغین جاری میلادی ییلنینگ نوامبر آیینی 28 ده یولگه قوییلهدی.
