مجلس اعضالریدن بیرقطاری فراه والیسی و مذکور ولایت گمرک رسمیلرینی اداری فساد و طالبلرگه باج بیریشگه عیبلیدیلر.
نمایندهلر، فراه والیسی و ولایت گمرک رسمیلرینی مافیاگه اوزگرگن دیب، بندر و گمرک درآمدلرینی اوز ارا بولیب آلهدیلر دیگنلر.
بوگونکی ییغینیده نمایندهلر کینگشی عدلی و قضایی کمیسیون باشلیغی محمدسرور عثمانی فراهی نینگ ایتیشیچه، فراه باجخانهسیدن مذکور کمیسیون 9 کیشیلیک هیأتی نینگ تیکشیروولری کورسهتیشیچه، جاری ییل بیر آی مابینیده مذکور ولایت گمرکیدن 85 تانکرگه 1785 تُن تیل محصول سیز اوتکزیلگن. اونگه کوره، والی و گمرک مسؤوللری بیر آیده میلیونلرچه دالرنی تالان تاراج قیلگنلر.
جناب عثمانی نینگ ایتیشیچه، اوتگن آی فراهگه بارگن هیأت تیکشیروولری اساسیده آیلیک دولت درآمدیدن 7 میلیون دالر والی و ولایت باجخانهسی باشلیغی و اورین باسری کیسهسیگه کیرهدی.
نمایندهلر عدلی و قضایی کمیسیونی باشلیغی، فراه والیسی و گمرک ریاستی رسمیلری نینگ طالبلرگه میلیونلرچه دالر بیریشگه عیبلیدی.
جناب عثمانی نینگ ایتیشیچه: «سوداگرلر و اهالیگه کوره، فراه باجخانهسی باشلیغی و اورین باسری والی نینگ مصلحتیده مذکور گمریک میلیونلرچه بولهدیگن درآمدیدن طالبلرگه حق بیرهدیلر، بو ایشلری اوته خطرلی و مملکت امنیتیده ییریک جنایت سنلهدی.»
او، امنیتی نهادلر تامانیدن جدی صورتده تیکشیریلیشینی طلب قیلهدی.
مجلس نینگ عدلی و قضایی کمیسیونی رسمیلری نینگ ایتیشیچه، شوییل سنبله آییده قانونی حجتی بولمهگن 14611 تُن تیلنی فراه ولایتی باجخانهسیدن «معافی» دیب اوتکزیلگن.
نمایندهلرگه کوره، هرکون مذکور باجخانه ایکینچی کیریش ایشیگیدن اونلرچه تجاری موترلر گمرک محصولاتینی تولهمسدن ایراندن مملکت گه کالا آلیب کیلهدیلر.
بیراق فراه والیسی نینگ سوزلاوچیسی محمدناصر مهری و فراه گمرکی باشلیغی عتیقالله امان اولرگه کیلگن تهمتلر اساس سیز دیب ایتیشلریچه، بوبارهده حجتی بولگن نهادلر مقابلیده جواب بیریشگه حاضرلر.
جناب مهری نینگ ایتیشیچه، اوتگن ییللرگه قرهگنده بوییل ولایت گمرکی درآمدی کوپهیگن.
فراه گمرک ریاستی باشلیغی عتیقالله امان نینگ ایتیشیچه، مجلس نینگ عدلی و قضایی کمیسیون اعضالری قولیده حجتی بولسه تیکشیرو اوچون عدلی و قضایی نهادلرگه تاپشیرسین.
بوندن آلدین هم مدنی فعاللر و تجارلر مذکورولایت گمرکیده فساد بارلیگیدن شکایت قیلگن ایدیلر.
