بوگون «یکشنبه» سیلاولر ایرکین کمیسیونی، نمایندهلر کینگشی و تومنلر کینگشی سیلاولرینینگ تقویمینی اعلان قیلدی.
سیلاولر ایرکین کمیسیونی باشلیغی گلاجان عبدالبدیع صیادنینگ ایتیشیچه، آواز بیرووچیلرنی رویخطگه آلیش 22- جوزا گچه دوام ایتهدی و نتیجهسی 23- اسد ده اعلان ایتیلیشی ممکن.
جناب صیادگه کوره، نامزدلرنی رویخطگه آلیش 5- جوزا دن باشلنهدی و 22- جوزا گچه دوام ایتهدی و سونگی تیکشیروودن سونگ، نامزدلرنینگ بوتون رویخطی 12- اسد ده اعلان ایتیلهدی.
سیلاولر ایرکین کمیسیونی باشلیغینینگ ایتیشیچه، نامزدلرنینگ سیلاو کمپاینی 11- میزان دن باشلهنیب و شو آینینگ 25 گچه دوام ایتهدی.
جناب صیادنینگ کوپهیتیریشیچه، نمایندهلر کینگشی و تومنلر کینگشی سیلاولرینینگ دستلبکی نتیجهسی 19- عقرب و سونگی نتیجهسی 29- قوس ده اعلان بولهدی.
سیلاولر ایرکین کمیسیونینینگ ایتیشیچه، نمایندهلر کینگشی و تومنلر کینگشی سیلاولری جاری ییل 28- میزان ده یولگه قوییلهدی.
