.jpg)
پایتخت کابلنینگ بیرقنچه یشاوچیلری جاری ییل ثور آیینینگ 27-سیده کابل خیابانلریده یول یوریب، حکومتدن ترکمنستاندن افغانستانگه آلیب کیلینهدیگن 500 کیلوولت برق لایحهسی سالنگلر یولیدن ایمس، بل بامیان و میدان وردک ولایتلریدن اوتکزیلیشینی طلب قیلگن ایدیلر؛ اما، حکومت جمهور رییسلیک سراییگه باریلهدیگن برچه یوللرنی نمایشچیلر یوزیگه کانتینر قوییب یاپگن ایدی. حکومتنینگ بو قبیل قیلمیشی یاروغلیک حرکتینینگ ایکینچی نمایشیده ینه تکرار بولدی.
کورینیشیچه بو یوللرنی نمایشچیلر یوزیگه توسیش هر قندهی حادثه یوز بیریشی آلدینی آلیش بولگن؛ لیکن، کوپچیلیک اعتراضچیلر ایچیده روی بیرگن حادثه واقعهنی عکس حالگه کیلتیریب، یره لنگنلر تیزلیکده شفاخانهلرگه ییتکزیلگن – ده ایدی، ممکن بیر قنچهسی تیریک قالیشر دی. واقعهدن سونگ افغانستان ایچکی ایشلر وزیرلیگی بیر بیانات ترقهتیب، اون کونگه قدر هر قندهی مدنی نمایش اوتکزیشنی منع قیلدی.
مدنی فعاللرگه کوره، ایچکی ایشلر وزیرلیگی مدنی حرکتلر منع ایتمسلیگی کیرهک ایدی. اولر، تینچ یول بیلن اعتراض بیلدیریب نمایش اوتکزیش هر بیر یشاوچی نینگ اساسی حقی دیر و حکومت یوللرنی کانتینرلر بیلن توسیب بو حق نی آیاق آستی قیله آلمیدی دیگنلر.
مدنی فعاللردن بیری ضیا مبلغنینگ سلاموطندار ترماغیگه ایتیشیچه، فقط بعضی بیر شاشیلینچ حالتلرده یول یوریش و مدنی فعالیتلر تعقیق لنهدی. بوندهی بیر بویروق بیریش اوچون ایچکی ایشلر وزیرلیگی ایمس بلکه، جمهور رییس صلاحیتیدن دن دیدی مبلغ.
یاروغلیک حرکتیگه قرشی صادر ایتیلگن هجومده 80 انسان قربان بولیب و 230 کیشی تن جراحتی آلدی.
بیلیم یورت استادی ینه مدنی فعال خانم شهلا فرید، اجتماعی فعالیتلر حکومت تامانیدن منع ایتیلیشی مملکت اساسی قانونیگه قرشی دیگن. خانم فریدگه کوره، مملکت اساسی قانونیده هر قندهی مدنی اعتراضنی تعقیق لش نینگ اورینی یوق. او، فقط شاشیلینچ حالتلرده بو ایش ممکن دیدی.
مملکت ایچکی ایشلر وزیرلیگینینگ بیاناتیده: " ناراضیلیک، ایش تشلش و اجتماع قانونی نینگ بیشینچی، آلتینچی و اون تورتینچی مادهسی شونینگ دیک پولیس نینگ بیشینچی و اونینچی مادهسی همده خلق ارا کیلیشوو نینگ سیاسی و مدنی حقوقی مادهسینینگ ییگیرمه بیرینچی مادهسیگه موافق اوشبو بیانات ترقه تیلگندن سونگ اون کونگه قدر هیچ کیم ناراضیلیک نمایش همده ایش تشلش حقوقیگه ایگه ایمس"
مدنی فعاللر، موجود قیین چیلیک حل ایتیلیشی اوچون کابل امنیه قوماندانلیگی همده گارنیزیون تامانیدن بیریلگن اعلامیه هیچ بیر درد نی دوا قیلمیدی دیگنلر. مدنی فعاللر، حکومت تینچ یول بیلن اوتکزیله دیگن ناراضیلیک نمایشنی باشقریشگه کوچی ییتمهگن تقدیرده، مملکت یشاوچیلری زورهوانلیک نمایشلرگه قول اوریشلری ممکن دیگنلر.
