ملی بیرلیک حکومت اجراییه باشلیغی عبدالله عبدالله نینگ ایتیشیچه، طالبان گروهی حاضرگهقدر تینچلیک اوچون حقیقی بیر ایش قیلمهگن و بو گروهنینگ برچه حرکتلری امتیاز آلیش اوچون ایکن.
بوگون «دوشنبه» وزیرلر کینگشی ییغینیده نطق سوزلهگن جناب عبدالله نینگ ایتیشیچه، تینچلیک برقرار ایتیلیشی اوچون «کیلیشیش، کیچیریش و قربانلیک بیریش» کیرهک و هیچ بیر تامان تینچلیک سوزلشوولریده شخصی ایستکلری اوستیگه تأکید قیله آلمهیدی.
حکومت اجراییه باشلیغینینگ ایتیشیچه، افغانستان اهالیسی اوروش کمهییشی گه سبب بولگن، تروریستی گروهلر بیلن علاقهلرینی کیسگن و افغانستانده تینچلیک تأمینلنیشی گه عامل بولگن هر بیر گروه دن حمایت قیلهدی.
اونینگ تاکید قیلیشیچه، مملکت سیاستچیلری آرهسیده تارتیشوولر دوام ایتگن صورتده، تینچلیک حرکتلر نتیجه بیرمهیدی. عبدالله نینگ کوپهیتیریشیچه، افغانستاننینگ خلق ارا جماعهسی بیلن بولگن رابطهسی خصوصیده هیچقندی شبه یوق، چونکه تهدیدلر مشترک دیر.
ملی بیرلیک حکومتینینگ اجراییه باشلیغی گه کوره، دولت گه قرشی گروهلر اوروش دن قول تارتیب و تینچلیک لایحهسیگه قوشیلگن حالده، افغانستان خلقی تامانیدن حرمت ایتیلهدیلر.
نیچه پیت آلدین قطرنینگ دوحه شهری آمریکا و طالبان نمایندهلریده میزبانلیک قیلگن ایدی و اوتگن هفته مملکت سیاسی چهرهلری و طالبان گروهینینگ نمایندهلری مسکو ده افغانستان تینچلیگی خصوصیده صحبت قیلگن؛ بیراق اوشبو ییغینده افغانستان حکومتی نماینده یوبارمهگن و حاضرگهقدر طالبان گروهی افغانستان حکومتی بیلن مذاکره قیلیشگه تیارگرلیک کورستمهگن.
