بیرقنچه سیاسی تحلیلچیلر، سیلاولر ادارهلری و سیاسی شرطنامه تطبیق ایتیلیشینی نظارت قیلهدیگن کمیسیون مسووللری، سیاسی بیتیم بوتونلی عملی بولیشی اوچون ملی بیرلیک حکومتی اوتگن ایکّی ییلده دییرلی امکان تاپمهگن دیگنلر؛ اما فرقلی قرهشلر سبب تامانلر سیاسی بیتیمنی عملی قیله آلمهگنلر دییلهدی.
فیفا یا افغانستان عادلانه و آزاد سیلاولر بنیادینینگ اعضاسی حسیب معترف سلاموطندارگه بیرگن صحبتده ایتیشیچه، سیلاولر تیزیمگه اصلاحات کیریتیلیشی اوچون ملی بیرلیک حکومتینینگ رهبرلری هنوزگچه اوز ارا کیلیشه آلمهگنلر.
جناب معترفگه کوره، سیلاولر تیزیمیگه اصلاحات کیریتیلمهگن تقدیرده، سیاسی برقرارلیک، حکومت قانونیلیگی و دموکراسی زیان کوریشی ممکن.
عین حالده، سیاسی ایشبیلرمان عزیز رفیعی، حکومتنینگ سیاسی شرطنامهگه اعتبار بیرمهگنلیگی تیزیمنی مملکتده قانونی لیگینی سوال آستیگه آلگن دیدی.
عین حالده، ملی بیرلیک حکومتی سیاسی شرطنامهسی تطبیق ایتیلیشینی کوزهتیش عالی کمیسیوننینگ باشلیغی محمدناطقیگه کوره، ایکی ییل جریانیده هم حکومت نینگ رهبرلری کیلیشو مادهلری قندهی عملگه آشیریلیشی اوستیده کیلیشه آلمهگنلیگی باعث بو توغریده عملی آدیم کوتاره آلمهگنلردیدی.
بونگه قرهمی، جمهور رییس سوزلاوچیسینینگ اورین باسری شاهحسین مرتضوینینگ خبری بیر انجمنده حکومت رهبرلری اورتهسیدهگی قرمه قرشیلیکلرنی رد قیلیب ایتیشیچه، سیلاولر قانونی جمهور رییس تامانیدن تصدیق لنگن و تنلاو کمیتهسی ایسه تیز آره د ایشگه باشلیدی.
اونینگ سوزلریگه قرهگنده، مذکور کمیته ینگی کمیسیون اعضالری حجتی تیکشیریلگندن کیین تنلنگن شخصلرنی تانیشترهدی.
شونینگدیک جناب مرتضوی کیلهجک سیلاولر سابق تجربهلریدن فایده لهنیب و ساختهکارلیککه قرشی اوسکونهلردن ایش آلینیب شفاف اوتکزیلشی حقیده علیحده تاکید قیلگن.
ایریم سیاسی تحلیلچیلرنینگ نظرلریگه قرشی، ملی بیرلیک حکومتینینگ رهبرلری حاضرگی سیاسی تیزیم نینگ قانونیلیگی اونچهلیک هم سیاسی شرطنامهنینگ مادهلریگه باغلیق ایمس، حکومت شو یول بیلن ایشیگه دوام بیریشی امکان دن اوزاق ایمس دیگنلر.
