جمهور رییسی نینگ بیرینچی اورین باسری جنرال دوستم نینگ یشش اویی ملی کوچلر تامانیدن قورشاووگه آلینگن لیگی توغریسیده ترقه تیلگن گزارشلردن کیین، سهشبنه کیچه خبری بیر ییغینده سوزلهگن جناب دوستم اوشبو گزارشلرنی رد قیلدی. ملی کوچلر ماموریتلری اوچون شهر ینه اوزینینگ یشش اویی اطرافیده ییرلشگن لیکلرینی ایتگن. او، طرفدارلردن تشویشلریگه پایان بیریب، تینچ بولیشلرینی سورهگن.
جناب دوستم، مسوولیتی بولمهگن یوزمینگ قوراللی شخص و فرصت طلب کابل شهری ایچیده امنیتنی برهم اوریش بهانه کوته دیلر دیگن.
شونینگدیک جناب دوستم، افغانستانلیک بوتون رهبرلردن بیرلیک و بیردملیکلرینی سقلشلرینی طلب قیلگن. عین حالده، مملکتنینگ حاضرگی شرایطی افغانستان رهبرلری نینگ حقیقی بیردملیگیگه احتیاجی بار دیگن او.
صحبتلری جریاینیده داعش نی ییریک بیر تهدید دیگن جنرال دوستم، ترورچیلیککه قرشی کورهشیش اوچون دنیا هم جمعیت دولتلرینینگ کوپراق کومکلریگه احتیاج بار ایکن لیگی توغریسیده علیحده تاکید قیلگن.
بوندن ایکی آی آلدین جوزجان نینگ سابق والیسی احمد ایشچی جنرال دوستم ینه اونینگ تن ساقچیلری تامانیدن قیناققه آلینیب جنسی خورلنگن لیگینی ایتیگن ایدی. بو حادثه جدی عکس صدالرگه سبب بولگن ایدی. افغانستان حکومتی گه یاردم کورستوچی دولتلر مساله جدی تیکشیریلشینی رسمی کابلدن بار- بار سورهگن. نهایت دولت باشقرهلاوچیلیگی بوندن چمهسی بیر آی آلدین جنرال دوستم نینگ 9 تن ساقچیسی حبسگه آلینیش حکمینی صادر قیلگندی.
