سوو برق وزیری علی احمد عثمانی، افغانستان سوو توغانلری امنیتینی بوزیب خطرگه دوچار قیله دیگن هر بیر دولت نینگ اوزینینگ انرژی ایشلب چیقاره دیگن بندلری خیرگه روپهره بولهدی دیگن.
ییریک بیر کانال قوریلیشی نینگ شرطنامهسیگه قول قوییلیشی نیتده هراتگه بارگن جناب عثمانی، سلمان توغانیدهگی امنیتی تهدیدلر تشویشلی دیگن. اونینگ ایتیشیچه، نیچه ییل جریانیده مذکور بند نینگ ملازملری هرات چشت تومنی یولیده طالبلر آرقهلی نشانگه آلینگنلر.
نمایندهلر مجلسی نینگ اعضاسی خلیل احمد شهیدزاده نینگ معلوم قیلیشیچه، افغانستاندهگی اوروش نینگ کته قسمی سوو منبعی اوستیده دیر. افغانستان سوو منبعلریدن فایده لهنه دیگن دولتلر بو مملکتده خوفسیزلیک تامین بولیشینی ایستهمیدی دیگنلر جناب شهیدزاده.
نمایندهلر مجلسی نینگ بو اعضاسی سلمان توغانی بوزیلیشی اوچون ایریم قوللر ایشلیدی دیگن. او، چشت تومنیده بعضی بیر گروهلر تاپیلگن لیگینی بیلدیرگن.
حکومت بو توغریده تیز آره ده اساسی چاره کورمهگن حالده، مساله کیلهجکده خطرلی بولهدی دیدی رسمیلر.
افغانستان سوو برق وزیرلی مذکور سفر جریانیده 110 میلیون بهاسی بولگن کانال نینگ قوریلیش شرطنامهسیگه قول قویلگن. شکیبان کانالی نینگ قوریلیشی اوچون صرفلنه دیگن مبلغ دنیا بانکی آرقهلی تولهنیلهدی.
