اوتگن کون ایرتلب ساعت 9 اطرافیده تورت هجومچی کابلده جایلشگن افغانستاننینگ ییریک حربی شفاخانهسیده هجوم اویوشتیردی. انتحارچیلر بیلن ملی کوچلر اورتهسیدهگی توقنشوو چمهسی 7 ساعت دوام تارتدی.
حمله هجومچیلردن اوچ نفری اولدیریلیشی و بیرتهسی قولگه آلینیشی بیلن اوز پایانیگه ییتدی. عینی گواهلرگه کوره، هجومچیلر شفاخانه نینگ محیطی بیلن آلدیندن آشنا بولگن. هجومچیلر شفاخانه گه کیریب آلگندن سونگ ترتیب اساسیده اوچینچی، تورتینچی و آلتینچی قبتده جایلهشیب آلدی.
بو کابلده اویوشتیریلهجک بیرینچی گروهی هجوم ایمس. پایتخت بو قبیل هجوملرنی بار -بار تجربه قیلگن. اما، حکومت حادثهلرنی هر مرته قارهلش بیلن چیکلهنیب بو خصوصده اینگ آز ایش قیله آلمهگن. حال بوکه بوندهی بیر هجوم اروپا کبی مملکتلرده یوز بیرگن حالده، حکومت بلند مرتبهلی رسمیلری استعفا بیریب واقعه جدی بیر شکلده تیکشیریلهدی.
موضوع نینگ باشقه بیر تامانی ایسه هجومچیلرنینگ گروهی حلمهسی تکتیکی تکرارلیگی دیر.
هجومچیلر آلدینلر هم کوزلهگن مقصدگه ییتیشیش اوچون دستلب اوشه ادارهنینگ ایشیگیده پارتلش صادر قیلگندن کیین ایچکریگه کیریب آلیشگه اولگورگنلر. اساسی سوراق نیمه اوچون هنوزگچه امنیتی کوچلر هجومچیلرنینگ تکراری حملهسی آلدینی آلیشگه موفق بولمهگن؟
مساله بیر آز یاروتیلیشی اوچون حربی و سیاسی تحلیلچیلرگه مراجعه قیلدیک. اولرنینگ تعبیریچه، ایشانچسیزلیک، تیکشیریلمسلیک، فساد، امنیتی ادارهلرده مدیرتسیزلیک، مصلحتگرالیک و سلقهوی موضوعلر باعث افغانستان هر مرتبه بوندهی بیر آغیر احوال نینگ گواهی بولگن.
بو حقده گپیرگن حربی تحلیلچی عتیقالله امرخیل، حکومت ایچکریسیده ایشانچسیزلیک دوام ایتگونگه قدر امنیتی وضعیت یخشی لشمسلیگی ممکن دیدی. امیرخیل، حاضرگی شرایطده کیشیلر ملی منفعتلردن کوره شخصی منفعتلرگه کوپراق اعتبار بیرهدیلر دیدی. حکومت نینگ مهم لوازملریگه کیشیلر سقلهوی یاندهشیش بیلن ایشگه آلینگن تقدیرده: « ملی کوچلردن بوندن آرتیق توقع قیلمسلیک کیرهک»
باشقه بیر تحلیلچی فردوس کاوش، سیاسی مصلحت، بلند مرتبهلی رسمیلرنینگ قیلمیشی سورهلمسلیگی و فسادگه باتگن مسووللر بو قبیل حادثهلرنینگ اصلی عاملی دیدی.
کاوشگه کوره، اوتگن کون یوز بیرگن حادثه آرتیدن حداقل دولت نینگ مسالهگه تیگیشلی مسووللری اوز لوازملریدن استعفا بیریشی کیرهک ایدی لیکن بوندهی بیر ایشنی قیلیشگه اوزلریگه جسارت بیرمهدی.
فردوس کاوش، سردار محمد داوودخان شفاخانهسیده یوز بیرگن قانلی هجوم توغریسیده حکومت درست تیکشیروو اوتکزیشگه موفق بولمهسه، حکومت نینگ قانونیلیگی بوندن کوره کوپراق خلق نینگ آلدیده اوز ایشانچینی قولدن بیرهدی دیگن.
اما، ملی مدافعه وزیرلیگی نینگ سوزلاووچیسی دولت وزیری سیاسی تحلیلچیلرنینگ سوزلرینی رد قیلیب، بولر فسادنی آلدینی آلیش اوچون هیچ قندهی سعی و حرکتنی ایهمهگن لیکلرینی تیلگه آلگن.
30 انسان قربان بولیب 50 کیشی یره لنگن قانلی حادثه مسوولیتینی اسلامی دولت (داعش تودهسی) اوز ذمهسیگه آلدی.
بو حادثه افغانستان و دنیا بولیب جدی عکس صدالرگه سبب بولدی. مملکت سابق ملی خوفسیزلیک ادارهسی نینگ باشلیغلری امرالله صالح و رحمتالله نبیللر هجومنی قارهلب حکومتنی بو خصوصیده تفاوت سیزلیککه عیبلهگنلر.
