بوگون «دوشنبه» کابلده مدنی فعاللردن بیرقطاری، پاکستان باش وزیری عمران خان نینگ سونگی بیاناتی گه قرشی عکسالعملده ناراضیلیک بیر ییغین یولگه قوییب ایتیشیچه، پاکستان باش وزیری نینگ بو بیاناتی افغانستان نینگ ایچکی ایشلریده آچیق شکلده ارهلشیشدن دلالت بیرهدی.
افغانستان بوییچه رواجلنتیریش انجمن سوزلاوچیسی قاسم اکبری نینگ ایتیشیچه، افغانستان یشاوچیلری وقتینچهلیک حکومت نی قبول قیلمهیدی و اوتگن 18 ییل یوتوقلری سقلنهدیگن تینچلیک ایستهیدیلر.
اکبری گه کوره، افغانستان سیاستچیلریدن بیرقطاری هم پاکستان باش وزیری نینگ سونگی بیاناتلرینی تصدیقلگنلر و بو ایش مملکت نینگ ملی منفعتلریگه قرشی دیر.
نیچه کون آلدین، پاکستان باش وزیری عمران خان، مذکور مملکت نینگ قبایلی منطقهلریدن کوریب چیقیش ده ایتیشیچه، تیزلیککه افغانستانده تینچلیک تأمینلنهدی و کیلهجکده بو مملکتده ینگی حکومت ایجاد ایتیلهدی و بو مملکتنینگ بوتون اهالیسی دن نمایندهلیک قیلهدی.
شو توغریده…
افغانستان تینچلیگی پاکستان و هند قرهمه قرشیلیگی گه قربان بولگن
افغانستان تینچلیگی توغریسیده سعودی عربستانده ییغین یولگه قوییلهدی
هند و پاکستان اوروشی؛ افغانستانده نیابتی اوروشلر شدتلنهدی
پاکستان و طالبلرگه حکومت تامانیدن تینچلیک و مذاکره تکلیف قیلیندی
پاکستان باش وزیری نینگ بیاناتی دن بیر کون اوتگنیدن سونگ، تشقی ایشلر وزیرلیگی پاکستان ایلچیخانهسینینگ نمایندهسینی جواب بیریش گه چقیردی.
شونینگدیک، بوندن آلدین افغانستان حکومتی نینگ رسمیلریدن بیرقطاری، عمران خان نینگ بیاناتی نی افغانستان نینگ ایچکی ایشلریده ارهلشیش دیگن ایدی.
