افغانستان تشقی ایشلر وزیرلیگی رسمیلری نینگ ایتیشیچه، طالبلرگه سیاسی پاسپورت بیریلمهگن، کیلهجکده هم بیریلمهیدی.
اولرگهکوره، سیاسی پاسپورت یالغیز دولت بلند مرتبهلی رسمیلرگه بیریلهدی.
مذکور وزیرلیک سوزلاوچیسی شکیب مستغنی، سهشنبه کونگی خبری اولتیریشیده، طالبلر اعضاسیگه سیاسی پاسپورت ترقتیلگن ادعانی رد ایتیب ایتیشیچه، بولر هیچ قچان قانونگه قرشی ایش قیلمهیدی.
بوندن آلدین ترقتیلگن گزارشلرگهکوره، پاکستان باش وزیری نوازشریف، جمهور رییس اشرف غنی بیلن اوچرهشگن بیرچاغده ایتیشیچه، تینچلیک سوزلشوولری ثمرهلی بولیشی اوچون طالبلر اعضاسینینگ یوقاری مرتبهلی لریدن بیرقطارینینگ آتی قاره روی خطدن چیقاریلیب و مذکور گروهدن 210 ته سیگه سیاسی پاسپورت بیریلیشی لازم.
بو مطلبگه قوشیمچه ایتیشیچه، طالبلر اعضاسی، افغانستان سیاسی پاسپورتی بیلن قطرده اوتکزیلهدیگن سوزلشووگه قتنشهدی، حاضرگه قدر مذکور گروه 180 تهسی قطرگه باریب کیلگنلر.
جناب مستغنیگه کوره، قانونگه اساس افغانستان فقرالریدن برچهسی عادی پاسپورت آلیب بیلهدی، اما سیاسی پاسپورت یالغیز دولت بلندمرتبهلی رسمیلرگه بیریلهدی.
شونینگدیک جمهور رییسنینگ سوزلاوچیسی اجمل عبیدعابدی، مذکور گزارشنی رد ایتیب ایتیشیچه، طالبلرگه سیاسی پاسپورت بیریلیشی شایعه بولگن.
بوندن آلدین، تینچلیک یوکسک کینگشی طالبلرنینگ هر بیر حرکت بیلن تینچلیککه چقیریلیشینی خوش قرشیلب و هر بیر حرکت مذکور گروهنی تینچلیککه قوشیلیشیگه سبب بولسه؛ اونی ایجابی بیلگن ایدی.
تینچلیک یوکسک کینگشینینگ سوزلاوچیسی شهزاده شاهدنینگ ایتیشیچه، طالبلر اوچون سیاسی پاسپورت ترقتیلیشی ایجابی حرکت بولیب، اولکهده تینچلیک تامینلنیشیگه ایجابی تاثیر تشلهیدی.
حاضرگه قدر طالبلر بو توغریده بیر نرسه دیمهگن.
بو صحبتلرگه قوشیمچه، طالبلرنینگ قطرده تینچلیک یوکسک کینگشی نمایندهلری بیلن اوتکزگن سونگی اوچره شوولریده افغانستاندن چیت ایل کوچلری بوتونلهی چیقیشی و قطردهگی دفترلری رسمی شکلیده تانیلیشینی تینچلیک سوزلشوولری باشلهنیشی خصوصیده شرط قویگن ایدی.
