افغانستان، پاکستان، اوزبیکستان، قزاقستان حربی کوچلرینینگ باشلیغلری و ناتو کوچلری قومندانی کابل اوچرهشدیلر.
سلاموطندارگه صحبت بیرگن مدافعه وزیرلیگی سوزلاوچیسی دولت وزیرینینگ ایتیشیچه، بو ییغین اوتگن کون باشلنگن و ایکی کون دوام ایتهدی.
وزیریگه کوره، بو ییغینده عصیانچی گروهلر و مخدره مادهگه قرشی کورهش موضوعلری بحثگه آلینگن.
اوشبو ییغینده ناتو و امریکا کوچلری قومندانی جان نیکلسون، پاکستان حربی کوچلری باشلیغی قمر جاوید باجوه، افغانستان حربی کوچلری باشلیغی شریف یفتلی و باشقه بیر قطار مملکتلرنینگ حربی کوچلری باشلیغلری اشتراک قیلگنلر.
اوتگن کون مملکت جمهور رییسی محمد اشرف غنی، اوزبیکستان و قزاقستان حربی کوچلری باشلیغلری بیلن اوچرهشیب و اولردن امنیت تأمین ایتیلیشی خصوصیده، افغانستان حکومتیگه یاردم بیریشلرینی سورهگن.
