.jpg)
جمهور رئیس محمداشرف غنی، سیاسی رهبرلرنینگ تنقیدلرینی تَن آلمهیدی و تحلیلچیلردن بیرقطارینینگ ایشانچی گه کوره، مملکتدهگی موجود جنجللر سیاسی رهبرلرنینگ آرهسیده ملی توشونچه بولمهگنیدن کیلیب چیققن. کورینیشیچه، جمهور رئیس غنی و سیاسی حزبلرنینگ باشلیغلری آرهسیدهگی قرهمه قرشی فکرلر حساس باسقیچ گه ییتیشگن.
جناب غنی، سیاسی حزبلردن جدی شکلده تنقید قیلیب ایتیشیچه: «سیاستچیلر کیملر دیر افغانستان اهالیسینینگ نمایندهلیگیدن سیلاونی تحریم قیلهدی؟ اولرنی کیم اهالی نمایندهلیگیدن تنلهگن؟»
جمهور رئیس غنینینگ بو بیاناتی اوتگن کونگی سیاسی حزبلر و تشکیلاتلرنینگ ییغینی گه قرشی عکسالعمل ایدی. سیاسی حزبلر آواز بیرووچیلرنینگ رویخطگه آلیش جریان توختهتیلیشینی بیلدیرگن. جمهور رئیس گه کوره، اهالی آواز بیرووچیلرنینگ رویخطگه آلیش جریان گه کینگ شکلده اشتراک قیلیب اوز قرارلرینی آلگن.
جمهور رئیس غنی خاص بیر کیشی یا-ده جریاندن آت توتمهی ایتیشیچه، میلیاردلرچه سوکهدی؛ لیکن موجود وضعیتدن چیقیش اوچون هیچ بیر ریجهسی یوق دیر.
جناب غنی، سیاسی حزبلردن تنقید قیلیب کوپهیتیریشیچه: «قوراللی کوچلری بولگن کیشیلر قندهی قیلیب اوزلرینی سیاسی حزب بیلهدیلر» جمهور رئیس، سیاسی حزبلردن شانسلرینی کیلهجک سیلاوده اشتراک قیلیب سیناوگه آلیشلرینی سورهدی.
.jpg)
باشقه تاماندن، افغانستان ملی اسلامی حزبینینگ سوزلاوچیسی بشیراحمد تهینچ نی ایتیشیچه، سیاسی حزبلر سیلاولر تنیق شکلده یولگه قوییلیشی اوچون بیر ریجه ارایه قیلگن و سیلاولر کمیسیونی بیلن یوناما بو ریجه نی قبول قیلگن؛ بیراق جمهورلیک ریاستی اونی قبول قیلمهیدی.
تهینچ گه کوره، بو ریجه کوپ زمان آلدین عملگه آشیریش فرصتی بولگن چاغیده، حکومت گه ارایه ایتیلگن. اونینگ ایتیشیچه، جمهور رئیس یکهتازلیک قیلهدی و افغانستان فضاسیده حزبلر برجسته بولیشینی تحمل قیله آلمهیدی.
سیلاولر ایرکین کمیسیونی تامانیدن بیریلگن رقم اساسیده، بوتون مملکت ده چمه سی 9 میلیون کیشی سیلاولرگه اشتراک قیلیش اوچون رویخط گه آلینگن؛ بیراق سیاسی حزب لردن بیرقطاری، بو جریان نی فساد و ساخته کارلیک که زمینه یره تووچی دیب و سیلاولر کمیسیونیدن بو جریان توخته تیلیشی نی سوره گن.
سیاسی حزب لرنینگ آگاه لنتیریشیچه، ایستک لریگه دقت قیلینمه گن صورتده، سیلاولرنی تحریم قیله دیلر.
