بوگون «دوشنبه» کابلده ییغین اوتکزگن جمهورلیک ریاستی مطبوعات دفتری سرپرستی شاهحسین مرتضوینینگ ایتیشیچه، بوگون عصر چاغی جمهور رییس غنی حکومت بلند مرتبهلی هیأت همراهلیگیده تاشکینت ییغینیده اشتراک قیلیش نیتده اوزبیکستان کیتگن.
جناب مرتضوی گه گوره، بوگون آقشام جمهور رییس غنی، اوزبیکستان جمهور رییسی میرضیا یووف بیلن بیرگه افغانستان-اوزبیکستان همکارلیکلری رواجلنیشی توغریسیده صحبت قیلهدی و ایرته منطقهیی همکارلیکلر و تینچلیک سوزلشوولری توغریسیده، 23 مملکت نمایندهلری اشتراکیده تاشکینت ییغینی رسمی شکلده باشلنهدی.
مرتضوینینگ ایتیشیچه، اوشبو ییغین چیکهسیده جمهور رییس غنی، اروپا بیرلیگینی خاص نمایندهسی و تشقی علاقهلر مسؤولی خانم مُوگِرنی، امریکا تشقی ایشلر وزیرلیگی اورین باسری توماس شِنان، روسیه تشقی ایشلر وزیری و شونینگدیک، افغانستان و پاکستان اوچون بریتانیانینگ خاص نمایندهسی بیلن اوچرهشیب و صحبت اوتکزیشی ممکن.
جناب مرتضوی گه کوره، افغانستان ترورچیلرگه قرشی اوروشنی بیرینچی خطیده قرار تاپگن، بیراق ترورچیلیک بوتون منطقه مملکتلرینی تهدید قیلهدی. شو یوزهدن افغانستان ایسه، تاشکینت ییغینیده اشتراک قیلگن مملکتلر ترورچیلرگه قرشی کورهشده مسؤولیت بیلن عمل قیلیب و افغانستاننینگ یانیده توریشینی کوتهدی.
