افغانستان تینچلیک لایحهسی بوییچه امریکانینگ خاص نمایندهسی زلمی خلیلزادنی امریکا تینچلیک انستیوتوتیده یولگه قوییلگن ییغینده ایتیشیچه، تینچلیک سوزلشوولرده افغانستاندن امریکا حربیلرینی چیقیشی ایمس، بلکیم بیر تینچلیک کیلیشووگه قول تاپیش اولویتگه قرار تاپگن.
خلیلزادگه کوره، تینچلیک لایحهسی نتیجه بیریب و افغنستان تروریسم مرکزیگه اوزگریلمهیشی خصوصیده امریکا اطمینان قولگه کیلتیرگن صورتده، افغانستاندن حربی کوچلرینی چیقارهدی.
اونینگ کوپهیتیریشیچه، کوپ ایشلرنی انجام تاپیشی کیرهک؛ بیراق امریکا جمهورلیک ریاستی سیلاویدن آلدین طالبلر و افغانستان حکومتی آرهسیده بیر کیلیشوو صورت تاپیشیدن امیدوار دیر.
اوشبو ییغینده خلیلزادنینگ ایتیشیچه، ملا عبدالغنی برادر اونینگ ایستهگی اساسیده پاکستان قماقخانهسیدن قوییب یوباریلگن و ملا برادر افغانستانده تینچلیک تامین ایتیلیشیگه طرفدار دیر.
افغانستان تینچلیک لایحهسی بوییچه امریکانینگ خاص نمایندهسیگه کوره، اوتمیشلرده افغانستان تینچلیک لایحهسی خصوصیده پاکستان سعی و حرکت قیلمهگن؛ بیراق حاضرده اوشبو مملکتنینگ توشینچهسی اوزگرگن و ملا برادرنینگ قوییب یوباریلیشی تینچلیک کیلیشوو صورت تاپیشینی اثبات قیلهدی.
خلیلزادنینگ کوپهیتیریشیچه، افغانستانده تینچلیک تامین ایتیلیشی پاکستان منفعتیگه دیر و افغانستان تینچلیک سوزلشووی ایجابی نتیجه بیرگن صورتده، آمریکا و پاکستاننینگ رابطهسینی یخشیلنیشی ممکن.
اونینگ ایتیشیچه، افغانستان قیینچیلیگینی حل قیلیش اوچون منطقهیی بیر طرح اوستیگه ایش قیلیش کیرهک و منطقه مملکتلرینی بو توغریده همکارلیک قیلیشی لازم.
ایتیش کیرهککه ملا عبدالغنی برادر نیچه پیت آلدین پاکستان قماقخانهسیدن قوییب یوباریلدی و قطرده طالبلرنینگ سیاسی دفتری باشلیغی عنوانیده تعیینلندی.
قطار ایش بیلرمانلرگه کوره، ملا برادرنینگ قوییب یوباریلیشی تینچلیک سوزلشوولرده ایجابی تاثیر قویهدی.
