کابلده یوز بیرگن قانلی پارتلشدن کیین، جنگری طالبلر و پاکستانگه ضد اعتراض النگهسی آلدیندن کوره کوپیگن. هلی امنیتی مسووللرگه کوره، جنگری ترورچیلر نابود ایتیلیشی اوچون پاکستان کیسکین بولمهگن حالده، حکومت حربی تنلاودن فایدهلنهدی.
جمهور رییسلیک سرایی سوزلاوچیسینینگ اورین باسری دواخان مینهپال، جنگری طالبلرنی نابود ایتیش اوچون پاکستان افغانستان حکومتیگه صادق همکارلیک ایتمهگن تقدیرده، حکومت او مملکت برابریده اوروشگه تیار دیگن.
بوگون کابلده بیر خبری انجمنده سوزلهگن جناب مینهپال، تروچیلر منطقه استخبارات ادارهسی اینیقسه پاکستان همکارلیگی بیلن افغانستانده خودکش هجوم صادر قیلیشگه موفق بولهدی دیگن.
شونینگدیک اجراییه ریاستی سوزلاوچیسی نینگ اورین باسری جاوید فیصل، ترورچیلر افغانستان تینچلیک فراخوانینی اوروش بیلن جواب بیرهدی، بابرین حکومت بو گروهلر نابود ایتیلیشی اوچون برچه موجود امکانیتلردن ایش آلهدی دیگن.
ییغینده فیصل و مینهپال سوزلریگه قوشیلگن ملی امنیت کینگشینینگ سوزلاوچیسی تواب غورزنگ، افغانستان خلقی دشمنلری برابریده اوروشگه تیار دیگن.
بوندن ایکی کون آلدین کابلده صادر ایتیلگن خودکش هجوم کوچلی بولگن لیگی اوزاق منطقهلرنی تیترهتدی.
