ولسمشر محمداشرف غني نن په کابل کې د ځوانانو او ښځو یوې غونډې ته وویل چې د یوې نیمې میاشتې په دننه کې به د سولې په اړه د ټولو اغېزناکو کسانو په ګډون پراخه مشورتي جرګه جوړه شي.
ولسمشر غني د غونډې ګډونوالو په وړاندیز د سولې عالي شورا د دارالانشا رییس محمدعمر داوودزي ته د دې جرګې د جوړېدو لارښوونه وکړه.
دغه راز ولسمشر محمداشرف غني پر بینالافغاني خبرو اترو ټینګار وکړ او زیاته یې کړه چې ګاونډیان په افغان سولې کې خپلې ګټې لټوي.
غني یادو هېوادونو ته په خطاب کې وویل، افغانان په خپلو کې خپلې ستونزې ښې حلولی شي.
په همدې حال کې د غونډې ګډونوالو د ځینو لوریو لهخوا د لنډمهالي حکومت جوړېدل په کلکه رد او ویې ویل چې په دې سره هېواد ته تلپاتې سوله نهشي راتللی.
