د عامې روغتیا وزارت د روغتیايي خدمتونو د وړاندې کولو مرستیال وحید مجروح وايي، تېرو ۲۴ ساعتونو کې د دغه وزارت لابراتوارونو کې د کورونا ویروس ۳۴۹ مثبتې پېښې ثبت شوي چې ټول هېواد کې په کورونا ویروس د اخته کسانو شمېر ۶۴۰۲ ته رسېږي.
د کرونا ویروس له دغو ۳۴۹ تازه پېښو تر ټولو ډېرې ۱۲۶ کابل، ۵۶ پکتیا، ۳۷ ننګرهار، ۳۱ بلخ، ۲۹ هرات، ۱۱ بغلان، لس-لس کندهار او لوګر، اته اته په لغمان او سرپل، ۷ تخار، پنځه پنځه جوزجان او بادغیس، ۳ پېښې کندوز او یوه یوه پېښه پنجشېر، پامیان او وردک ولایت کې ثبت شوې ده.
افغانستان کې تېرو ۲۴ ساعتونو کې د کورونا ویروس له کبله ۱۵ کسان مړه شوي او ۳۳ بېرته روغ شوي چې د ټولو مړو شويو شمېر ۱۶۸ او د بېرته رغېدلو هم ۷۷۸ ته رسېږي.
د عامې روغتیا وزارت مسوولان وايي، هېواد کې کورونا ویروس په چټکۍ سره د خپرېدو په حال کی دی او خلک باید په دې اړه وقایوي تدابیر جدي مراعت کړي.
