د هرات د عامې روغتیا ریاست مسوولان په دغه ولایت کې پر کورونا د اخته یوې ښځې د مړه کېدو خبر ورکوي.
د هرات د عامې روغتیا رییس عبدالحکیم تمنا وايي، یوه ۴۵ کلنه ښځه چې پر کورونا ویروس اخته وه، بېګاه د دغه ولایت د شیدايي په نوم پر کورونا د اخته کسانو لپاره په ځانګړي شوي روغتون کې مړه شوې ده.
هغه وايي، یاده ښځه ایران ته نه وه تللې.
پر کورونا ویروس لومړنی اخته کس څو ورځې وړاندې د بلخ ولایت په دهدادي ولسوالي کې ومړ.
تر اوسه د څلورو بهرنیو ځواکونو او دوو ډیپلوماټانو په ګډون ۷۹ کسان پر کورونا ناروغي اخته دي، خو دوه هغه یې په هرات او دایکندي ولایتونو کې بېرته روغ شوي دي.
