د هرات روغتیايي مسوولانو هغه ګونګوسې رد کړې چې په کورونا اخته یو ناروغ مړ شوی دی.
لوېدیځه حوزه کې ناروغیو ته د ځواب او نظارت برخې مسوول احمد امیرنژاد وايي، د روغتیايي ټیم له خوا شوې څېړنې ښيي چې دغه ولایت کې مړ شوی کس د نفس تنګۍ له کبله چې کلونو راهیسې پرې اخته و، مړ شوی دی.
نوموړي وویل، یاد کس په کورونا ویروس نه و اخته او نه هم ایران ته تللی و.
تېره ورځ ټولنیزو رسنیو کې داسې ګنګوسې خپرې شوې چې له ایرانه په تازهګۍ سره هرات ته ستون شوی یو کس د کورونا ویروس د شکمنو علایمو په درلودو ژوند له لاسه ورکړی دی.
