د بدخشان له مخدره توکیو سره د مبارزې ادارې مشر محمد قاید افندي سلاموطندار ته وايي، تېر کال دغه ولایت کې شاوخوا ۶ زره هکتاره ځمکه کې کوکنار کرل شويوو؛ خو مقدماتي شمېرې ښيي چې بدخشان کې د کوکنارو کښت کې ۱۵ سلنه کموالی راغلی.
دی د کوکنارو د کښت د کموالي علت د بازار نهشتوالی، د معشیت بدیل او له مخدره توکیو سره د مبارزې په برخه کې د دولت جدیت مهم لاملونه ګڼي.
د بدخشان د جرم ولسوالۍ یو تن کرونګر احمدالله وايي، بازارونو کې د تریاکو بیې کمېدلو په دلیل، دوی ترجیح ورکوي چې د کوکنارو کښت پر ځای د لوبیا، کچالو او نورو حبوباتو کښت ته مخه کړي.
لهدې سره د بدخشان امنیې قوماندانۍ کې له مخدره توکیو سره د مبارزې پولیسو مدیریت مرستیال نثاراحمد جهانګیر وايي، دې ادارې تېر کال د کوکنارو تر کښت لاندې سلګونه جریبه ځمکې او د هیرویینو د تولید لسګونه فابریکې لهمنځه وړي او د مخدره توکیو ګڼ شمېر قاچاقیان یې نیولي دي.
د ده په خبره، تېر کال يې بېلابېل ډوله یو زر او ۹۶۹ کیلوګرامه مخدره توکي کشف او ضبط کړي، ۷۷ تورن کسان يي نیولي دي او د دې ترڅنګ یې ۹۵۱ جریبه ځمکه ـ چې خاش خاش پهکې کرل شويوو ـ له منځه وړل شوي.
سره له دې چې د بدخشان ځايي چارواکي د کوکنارو کښت له ۱۵ سلنې کموالي او له مخدره توکیو سره د جدي مبارزې خبر ورکوي؛ خو د وړاندې شویو شمېرو لهمخې، بدخشان کې له نشهيي توکیو سره د مبارزې ادارې د کوکنارو کښت مخنیوي کې د پاموړ لاستهروانې نهدي لرلي.
د بدخشان له مخدره توکیو سره د مبارزې ادارې مسوولینو په وینا، د کوکنارو تر کښت لاندې د شاوخوا ۶ زره هکتاره ځمکې له مجموع څخه، دې ادارې د محلي زورواکیو مقاومت په دلیل تېر کال یوازې زر هکتاره ځمکه د کوکنارو له بوټي پاکه کړېده.
ورته مطالب
د کوکنارو په کرکېله کې ۲۰ سلنه کموالی راغلی:
هلمند؛ له دوه کلن ځنډ وروسته کوکنار اړول کېږي
هراتي کروندګر: که د زعفرانو نرخونه لوړ نهشي؛ کوکنار کرو
