هرات ولایتی بوییچه ساغلیق‌نی سقلش اداره مسؤوللری نینگ ایتیش‌لریچه، اوشبو ولایتده ساغلیک ایشلاوچیلریدن 16 ته‌سی کرونا ویروسی گه چلینگن.
هرات ولایتی نینگ حوزه‌یی کسلخانه‌سینی باش طبیبی عارف جلالی نینگ سلام‌وطندارگه ایتیشیچه، اوشبو ولایتده 16 داکتر و همشیره کرونا ویروسی گه چلینگن.
جناب جلالی گه کوره، کرونا ویروسی گه چلینگن ساغلیک ایشلاوچی‌لری مذکور کسلخانه نینگ تورلی بولیم‌لریده فعالیت قیلر ایکن.
هرات ولایتی نینگ حوزه‌یی کسلخانه‌سینی باش طبیبی نینگ ایتیشیچه، بو داکترلر قنده‌ی بیر شکلده کرونا ویروسی گه چلینگنی حاضرگه‌قدر معلوم بولمه‌گن و احتمال باریچه کرونا ویروسی گه چلینگن کیشی‌لر آرقه‌لی چلینگن‌لر.
اونینگ کوپه‌یتیریشیچه، بو داکترلر اویلریده قرنطین بولیشگن و ساغلیک وضعیت‌لری هم یخشی دیر.
هرات ولایتیده کرونا ویروسی گه چلینگن‌لرنینگ رقمی 106 کیشی گه ییتیشگن.
مملکت‌ده کرونا ویروسی گه چلینگن‌لرنینگ رقمی 145 کیشی دییلگن و بو آره‌ده ایکی چیت‌ایللیک دیپلومات و ناتو تشکیلاتی‌دن 4 حربی شامل بولگن.
