پروان مملکت باشکنتی کابلگه یقین بولگن ولایتلردن بیری دیر. اوشبو ولایت 3 دینگیزگه ایگه، بیراق نیچه ییلدن بویان پروان مرکزی چاریکار یشاوچیلری ایچیملی سوودن محروم دیر.
چاریکار یشاوچیلری نینگ دواملی اعتراضلریدن سونگ، افغانستان حکومتی 1395- ییلده قیشلاقلرنی رواجلنتیریش وزیرلیگی آرقهلی، تیکشیروولردن سونگ، «نوید نوری سالم بگراموال» قوروچی شرکت بیلن 626 میلیون افغانی ارزشی بولگن بیر قراردادنی امضا قیلدی و مذکور قرارداد اساسیگه 18 آی جریانیده سالنگ تومنیدن پایپ آرقهلی، پروان مرکزیگه ایچیملی سوو انتقال بیریلیشی کیرهک ایدی.
مذکور پروژه ایشی باشلنگنیدن نیچه مدت اوتگنیدن سونگ، قراردادی شرکت پایپنی وارد قیلیش خصوصیده قطار قیینچیلیکلر بیلن روپهره بولدی و اوشبو پایپنینگ ایشلب چیقارهدیگن شرکتنی افغانستانده قوریشگه مجبور بولدی و نتیجهده پایپ ایشلب چیقارهدیگن شرکتنی قوردی، بیراق پروژه نینگ ایشی یکونلنگن ایدی.
مذکور شرکت نینگ پایپ ایشلب چیقاریشی خصوصیده کوپ قطار سرمایه یاتقیزگنی سبب، مملکت جمهور رئیسی بیر حکم آرقهلی، پروان مرکزیگه سوو انتقال بیریش پروژه نینگ ایشینی بیر ییلگهقدر تمدید قیلدی.
اوشبو پروژه مدیری و قیشلاقلرنی رواجلنتیریش وزیرلیگی نینگ نمایندهسی انجنیر قدیرنینگ سلاموطندارگه ایتیشیچه، پروان مرکزیگه سوو انتقال بیرهدیگن پروژه نینگ مسیریده بولگن 65 کوپریک و کوپریکچه قیشلاقلرنی رواجلنتیریش وزیرلیگی نینگ نمایندهلری تامانیدن تیکشیریلمهگن و اولر تامانیدن یالغیز سوونی انتقال بیریش موضوعی تیکشیریلگن.
قیشلاقلرنی رواجلنتیریش وزیرلیگی نمایندهسی نینگ ایتیشیچه، پروان ولایتیده بولگن ناقانونی مسووللر و زوروانلرنینگ دخالتی اوشبو پروژه عملگه آشیریلیشی نینگ کیینگه قالیشیگه سبب بولگن.
.jpg)
یشاوچیلر پروژه نینگ عملگه آشیریلیشیگه توسیق بولگن
پروان مرکزیگه سوو انتقال بیریش پروژه باشلنگنیدن سونگ، قطار زوروانلر باجآلیش اوچون تورلی بهانهلر آرقهلی اوشبو پروژه ایشیگه توسیق بولگن. چاریکار شهری نینگ «سهراهی هوفیان» ساحهسیدن باشلب، جنگلباغ، تتمدره، پشتهسرخ، جبلالسراج، قلاتک، کوکلامی و سرتیکچه قیشلاقلری نینگ یشاوچیلری اوز ایستکلرینی بیان قیلگنلر.
شونینگدیک، جبلالسراج تومنی نینگ میرخان و دهبالای قیشلاغی نینگ یشاوچیلری پایپلاین اولرنینگ منطقهلریدن انتقال بیریلیشی باعث، مذکور پایپلاینلردن فایدهلنیشلرینی ایستهگنلر و ایستکلریگه قول تاپگن گهقدر ایش نینگ دوام قیلیشیگه رخصت بیرمهگنلر.
عینحالده، قلاتک و اونینگ اطرافیده بولگن قیشلاقلرنینگ یشاوچیلری هم سوونی انتقال بیریش پروژه دن فایدهلنیشنی ایستهب و بیر مدت پروان مرکزیگه سوو انتقال بیریش پروژه نینگ ایشینی توختهتیب قویگنلر.
نتیجهده اعتراضچیلرنینگ ایستکلری حکومت تامانیدن قبوللنگن و جبلالسراج تومنیده 8 قیشلاق و سالنگده 15 قیشلاقده ایری سوو انتقال بیریش پروژهلرنی باشلهگن و اوندن سونگ پروان مرکزیگه سوو انتقال بیریش پروژه نینگ ایشی باشلنگن.
انجنیر قدیرنینگ ایتیشیچه، قراردادی شرکت نینگ مسووللری مسوول دیر و حاضرده اوشبو شرکتده پروژهنی ایلگری آلیب باریش اوچون خام مواد یوق.
نوید نوری سالم بگراموال شرکتی نینگ تخنیکی بولیمی مسوولی حنیف جرات نینگ سلاموطندارگه ایتیشیچه، اوشبو پروژه نینگ هزینهسی 602 میلیون افغانی دیر، بیراق قیشلاقلرنی روجلنتیریش وزیرلیگی نینگ مسووللری بو پروژه هزینهسینی 626 میلیون افغانی عنوان قیلگنلر.
جناب جرات نینگ ایتیشیچه، تیکشیریش و دیزاینلر خصوصیده حکومتی نهادلر آرهسیده هماهنگلیک یوقلیگی و اجتماعی ممانعتلر سبب، اوشبو پروژه نینگ عملگه آشیریلیشی آرتده قالگن.
گرچند سالنگدن پروان مرکزیگه سوو انتقال بیریش پروژهنی 18 آی جریانیده یکونلهنیشی کیرهک ایدی، بیراق افغانستانده قراردادی شرکت تامانیدن پایپلاین ایشلب چیقارهدیگن شرکت قوریلگنی باعث، مذکور پروژه نینگ ایشی ینه بیر ییل تمدید قیلینگن.
پروان مرکزیگه سوو انتقال بیریش پروژه نینگ ایشی تمدید قیلینگنیدن سونگ، پایپلاین مسیریده 13 کوپریک قوریش موضوعی اورتهگه چیقگن و بو موضوع تیکشیریلگنیدن سونگ، 50 دن باشلب 60 میلیون افغانی بودجه مذکور کوپریکلر اوچون اجرهتیلگن و انهشو سبب قراردادی شرکت ایشینی یکونلنتیریش اوچون 1 ییل فرصت قولگه کیریتگن و بو فرصتگه قرهگنده 1398 ییل نینگ حوت آی ده چاریکار شهریده سوو توزیع قیلیش پروسهسی باشلهنیشی کیرهک ایدی.
بیراق، حاضرده قراردادی شرکت مسووللری نینگ ایتیشیچه، پایپ لاین اوستیدن اوتهدیگن 7 کوپریک نینگ ایشی یکونلنگن ایمس و قیشلاقلرنی رواجلنتیریش وزیرلیگی کوکلامی درهسی جادهسینی نینگ کینگیتیریشینی ایستهگنی باعث، کوکلامی درهسیده 7 یوز میتر پایپ نینگ سرک چکهسیده دفن قیلینیش ایشی یکونلنگن ایمس، بیراق پروان ولایتی بوییچه قیشلاقلرنی رواجلنتیریش ریاستی بو ادعانی رد قیلهدی و قراردادی شرکتده ایشلب چیقاریلگن پایپ لاین یوقلیگی باعث، ایشی یکونلنمهگن دیدی.
حنیف جرات نینگ ایتیشیچه، سونگی مرته اوشبو پروژه ایشی یکونلهنیشی اوچون حکومت تامانیدن 3 آی وقت بیریلیشی کیرهک.
قراردادی شرکت مسووللری نینگ ایتیشیچه، پروان ولایتی بوییچه فواید عامه ریاستی نینگ پایپنی جاده چکهسیده دفن قیلینیشیگه ممانعت قیلگنی اوشبو پروژه ایشی نینگ آرتده قالیشیگه سبب بولگن موضوعلردن باشقه بیری دیر، بیراق پروان ولایتی بوییچه فواید عامه ریاستی باشلیغی فرهاد قاضیزاده نینگ سلاموطندارگه ایتیشیچه، اولر تامانیدن هیچقندهی ممانعت صورت تاپمهگن.
شونینگدیک، سالنگ قتناو یوللریدن حفاظت قیلیش ریاستی مسووللری نینگ ایتیشیچه، قراردادی شرکت پروان مرکزیگه سالنگدن سوو انتقال بیریلیشی خصوصیده بولگن برنامه و پلان نینگ عملگه آشیریلیشی خصوصیده، سالنگ قتناو یولی ریاستی نینگ ملکیتیده دقت قیلمهگن.
سالنگ قتناو یولیدن حفاظت قیلیش ریاستی باشلیغی محمدضمیر عمرخیل نینگ ایتیشیچه، قراردادی شرکت نینگ ایشلری اوشبو قتناو یول زیرساختلرینی جدی خطر بیلن روپهره قیلهدی.
جناب عمرخیل نینگ ایتیشیچه، قراردادی شرکت شرطنامه و تعهدلریگه عمل قیلمهگن صورتده، سالنگلر قتناو یولی ریاستی تامانیدن ایشلش اوچون رخصت بیریلمهیدی. اونینگ ایتیشیچه، اوشبو شرکت پروان مرکزیگه استندرد نورمی اساسیگه سوو انتقال بیرمهیدی.
ناتوغری فایدهلنیش!
سالنگ تومنی نینگ دره کوکلامی منطقهسیده سوو منبعسی بولگن 6 بسوه ییرنینگ استملاکی سالنگ تومنیدن پروان مرکزیگه سوو انتقال بیریش خصوصیده بولگن جنجللردن باشقه بیری دیر.
پروان ولایتیده حکومتی منبعلرنینگ ایتیشیچه، سالنگ تومنی نینگ یشاوچیلری دستلبکی کونلرده 6 بسوه ییر اوچون 40 میلیون افغانی تعیین قیلگن ایکنلر، بیراق چانهاوریش و بیر ییل اوتگنی دن سونگ، اوشبو رقم 4.5 میلیون افغانیگه کمهیگن و پروان محلی حکومتی نینگ اداری جلسهسی آرقهلی، تصدیقلهنیب جمهورلیک ریاستی نینگ امور ادارهسیگه یوباریلگن.
پروان ولایتی بوییچه اراضی ریاستی باشلیغی فیضمحمد عسکرزاده نینگ ایتیشیچه، ییر استملاکی نینگ فنی بولیمینی اولر اوشبو مسیر ده اهالی نینگ داراییلریگه قیمت قویش اساسیده انجام بیرگنلر و حاضرگهقدر جمهورلیک ریاستی نینگ امور ادارهسی جواب بیرمهگن.
جناب عسکرزاده، استملاک قیلینگن ییرلرنینگ اسنادی، اوشبو مسیرده بولگن درختلر و قیمت قویش خصوصیده صحبت قیلمهیدی.
ناقص پروژه اوچون آیلرچه کوتیش
پروان محلی حکومتی اوشبو پروژه نینگ میزبانی سنهلهدی و پروژه یکونلنگنیدن سونگ، حفاظت قیلیش و چاریکار یشاوچیلریگه سوو توزیع قیلیش مسوولیتینی پروان محلی حکومتی آلهدی. پروان محلی حکومتی مسووللری نینگ ایتیشیچه، اوشبو پروژه ناقص دیر و سوونی انتقال بیریش ریجهسی نینگ ایکینچی فازی اولر تامانیدن تیارلنگن.
پروان حاکمی فضلالدین عیار نینگ ایتیشیچه، پروان مرکزیگه سوو انتقال بیریش پروژه قیشلاقلرنی رواجلنتیریش وزیرلیگی تامانیدن تیکشیریلیب و دیزاین قیلینگن و بو پروژه قراردادی ملی تدارکات آرقهلی صورت تاپگن و ایش نینگ قندهی شکلده ایلگری کیتیشیدن نظارت قیلیش و ایشسیزلرنی مجازات قیلیش خصوصیده محلی حکومت نینگ صلاحیتی یوق. جناب عیارگه کوره، حاضرگهقدر اوشبو پروژه نینگ هزینهسیدن 90 یا-ده 95% قراردادی شرکتگه تاپشیریلگن، بیراق پروژه نینگ یکونلنیشیدن هیچقندهی خبر یوق.
جناب عیارنینگ کوپهیتیریشیچه، بیرقطار کیشیلر اوشبو پروژهدن ناتوغری فایدهلنگنلر و پروژه نینگ مسیریده ییرلری و قیشلاقلری اوچون ناتوغری ایشلرنی انجام بیرگنلر. اونینگ تاکید قیلیشیچه، قراردادی شرکت نینگ سونگی تعهدی اساسیده اوشبو شرکت بو مرته تعهدیگه وفا قیلمهگن صورتده، عدلی و قضایی نهادلرگه تانیتیلیشی ممکن.
سونگی سوز
پروان مرکزیگه سوو انتقال بیریش پروه 18 آیلیک ایدی، بیراق 5- ییلگه قدم قویدی و بیللی ایمس کیم بو ییل یکونلنیب فایدهلنیشگه قوییلهدی می یا-ده یوق.
بوندن آلدین هم بیرقطار کته پروژهلر ناتوغری تیکشیریلگنی و ناقص دیزاین قیلینگنی باعث، سکتوری وزراتلر تامانیدن نابیللی سرنوشت بیلن روپهره بولگن.
قیشلاقلرنی رواجلنتیریش وزیرلیگی و قراردادی شرکت مسووللری نینگ صحبتلریگه قرهگنده سوونی انتقال بیریش پروژه نینگ هزینهسی خصوصیده کمیده 20 میلیون افغانی فرق بار. قیشلاقلرنی رواجلنتیریش وزیرلیگی مسووللری نینگ ایتیشیچه، پروژه نینگ بیرینچی هزینهسی 626 میلیون افغانی ایدی و ایکینچی پروژه ده هم 60 میلیون افغانی نظرگه توتیلگن، بیراق قراردادی شرکت مسووللری نینگ ایتیشیچه، پروژه نینگ بیرینچی هزینهسی 602 میلیون افغانی ایدی.
قراردادی شرکت حاضرگهقدر 7 کوپریک نینگ ایشینی یکونلنتیرمهگن و کوکلامی درهسیده بولگن کمیده بیر کیلومتر پایپ سوو نینگ اصلی منبعسی بیلن باغلنگن ایمس، بیراق پروژه نینگ 95% پولینی قراردادی شرکتگه تاپشیریلگن.
سالنگدن پروان مرکزیگه انتقال بیریلهدیگن پایپ 500 ملیمتر قطر و 20 انچ بیلن بیر ثانیهده 162 لیتر سوونی انتقال بیریش ظرفیتیگه ایگه دیر.
سالنگ تومنیدن پروان مرکزیگه سوو انتقال بیرهدیگن پروژه آسیا سطحیگه سوو انتقال بیرهدیگن کته پروژهلردن بیری دیر.
