بغلان یشاوچیلریدن بیری نینگ ایتیشیچه، ایناغهسی کرونا ویروسیگه چلینگن ایدی، بیراق اوشبو ولایت مرکزی کسلخانهسیدن قاچگن.
اونینگ کیملیگی سیرقالیشنی ایستهب سلاموطندارگه ایتیشیچه، ایناغهسی نیچه پیت آلدین ایران نینگ «قم» شهریدن کیلگن ایدی و نیچه مدتدن سونگ کرونا نشانهلری اونینگ تنهسیگه کوریندی.
کسلخانهدن قاچگن کیشی نینگ عایله اعضالری، امنیتی نهادلردن قاچگن کیشینی تاپیب درمانلهنیش اوچون اوشبو ولایت کسلخانهلریدن بیریگه انتقال بیریشینی ایستهگنلر.
کرونا ویروسی بیرینچی مرته چین مملکت نینگ واهان شهریده چیقیب و اوندن سونگ، دنیا کوپ قطار مملکتلریده سرایت قیلگن و کوپقطار انسانلرنینگ جانینی آلگن.
افغانستان بوییچه ساغلیقنی سقلش وزیرلیگی نینگ اعلان قیلیشیچه، حاضرگهقدر 273 کیشی کرونا ویروسیگه چلینگن و بو جملهدن 6 تهسی هلاک ایتیلیب و باشقه 10 درمانلنگن دیر.
ساغلیقنی سقلش وزیرلیگی نینگ مسووللری، افغانستان یشاوچیلریدن کرونا ویروسیگه توسیق بولیش اوچون اویلریده قالیشلرینی سورهگن.
