حکومت نیچه کون آلدین کرونا ویروسیگه توسیق بولیش مقصد مملکت باشکنتی کابل شهریده کیلهسی 3 هفتهگهقدر کوندهلیک یوریش چیکلاوینی اعلان قیلدی، بیراق مسووللرنینگ ایتیشیچه، وضعیت یمان بولگن صورتده، اوشبو چیکلاونی تمدید قیلینیشی ممکن.
ساغلیقنی سقلش وزیرلیگی سوزلاوچیسی وحیدالله مایارنینگ ایتیشیچه، کابل و باشقه ولایتلرنینگ وضعیتی یخشیلنمهگن صورتده، کابل شهری و باشقه ولایتلرده کوندهلیک یوریش چیکلاوی نینگ اوشبو وزارت تامانیدن تمدید قیلینیشی ممکن.
عینحالده، ایچکی ایشلر وزیرلیگی سوزلاوچیسی طارق آرین نینگ سلاموطندارگه ایتیشیچه، یشاوچیلر حاضرده هم کوندهلیک یوریش چیکلاوینی یخشی شکلده مراعات قیلمهیدی.
جناب آرین نینگ تاکید قیلیشیچه، یشاوچیلر کوندهلیک یوریش چیکلاوینی مراعات قیلمهگن صورتده، پولیس ایچکی ایشلر وزیرلیگی نینگ فیصلهسی اساسیگه عمل قیلهدی.
ساغلیقنی سقلش و ایچکی ایشلر وزیرلیگی نینگ مسووللری، کابل و باشقه ولایتلرنینگ یشاوچیلریدن کرونا ویروسیگه توسیق بولیش اوچون اویلریده قالیب و داکترلرنینگ توصیهلری اساسیده عمل قیلیشلرینی سورهگنلر.
