جمهور رئیس غنی، کرونا ویروسیگه قرشی کورهشیش اضطراری کمیته اعضالری بیلن بیر ییغین اوتکزگن و اوشبو ییغینده ملی رواجلنتیریش ادارهسیگه کیلهسی بیر آی گهقدر 40 مینگ کیشیگه ایش زمینهسی یرهتیش اوچون بویروغ بیرگن.
اوشبو اولتیریش اوتگن "سهشنبه" کونی شام چاغیده، کمبغللر و کوندهلیک ایش قیلهدیگنلرگه همکارلیک قیلیش مقصد ده صورت تاپگن.
شونینگدیک، جمهور رئیس غنی، هراتدن کابل کیلهدیگن و کابلدن هرات بارهدیگن مسافر تاشیووچی اوچاغلرنینگ پروازلری توختهتیلیشی خصوصیده بویروغ بیرگن.
عینحالده، ملی رواجلنتیریش ادارهسی باشلیغی عبدالرحمان عطاش نینگ ایتیشیچه، 40 مینگ کیشیگه ایش زمینهسینی یرهتیش ریجه تیارلنگن و کیلهسی هفتهدن سونک، استخدام قیلیش پروسه باشلنهدی.
شونینگدیک، جمهور رئیس غنی، هراتدن کابل کیلهدیگن و کابلدن هرات بارهدیگن مسافر تاشیووچی اوچاغلرنینگ پروازلری توختهتیلیشی خصوصیده بویروغ بیرگن.
جناب غنی نینگ بویروغی سبب، ملکی هوانوردلیک ادارهسی، بیر اعلامیه نشر قیلیب ایچکی هوایی پروازلر ایرته "5شنبه" دن سونگ، توختهتیلیشیدن خبر بیرگن.
هرات افغانستان غربیده جایلشگن ولایتلردن بیری دیر و حاضرگهقدر 143 کیشی اوشبو ولایتده کرونا ویروسیگه چلینگن.
